ប្រភពព័ត៌មានពី RT ចេញផ្សាយថ្ងៃទី២៧ ខែឧសភា ឆ្នាំ២០១៩
មន្រ្តីបញ្ជាក់ថា អ្នកទោសជាច្រើនរៀបចំកុបកម្មក្នុងគុកនៅក្នុងទីក្រុង Odessa នៃប្រទេសអ៊ុយក្រែនដោយចាប់ចំណាប់ខ្មាំងប្រាំមួយនាក់ និងបង្ករឱ្យឆ្មាំគុកចំនួន៤ នាក់រងរបួស។ រថយន្តមួយគ្រឿងត្រូវគេដុតនៅខាងក្នុងពន្ធនាគារផងដែរ។ ការប៉ះទង្គិចគ្នាផ្ទុះឡើងក្នុងពន្ធនាគារដែលមានទីតាំងស្ថិតនៅជិតកណ្តាលទីក្រុងមុនពេលថ្ងៃត្រង់នៅថ្ងៃចន្ទ។
ប្រព័ន្ធផ្សព្វផ្សាយក្នុងស្រុករាយការណ៍ថា អ្នកទោសធ្វើបាតុកម្មដោយសារគុណភាពមិនល្អ។ វីដេអូមួយបង្ហាញពីហេតុការណ៍បាញ់នៅក្នុងគុកបង្ហាញឱ្យឃើញថា អ្នកទោសឈរជារបាំងការពារខណៈដែលមានសំលេងនៅខាងក្រោយនិយាយថា ក្រុមកុបករកំពុងឈរប្រឆាំងនឹងឆ្មាំដែល យាមអ្នកទោសដោយពុំមានការខ្វាយខ្វល់។
ទន្ទឹមនឹងនេះដែររូបភាពពីខាងក្រៅអគារបង្ហាញថា មានមនុស្សប្រមូលផ្តុំនៅជុំវិញពន្ធនាគារខណៈដែលមានផ្សែងហុយឡើងយ៉ាងខ្ពស់។ រូបថតពីកន្លែងកើតហេតុបង្ហាញថា ប៉ូលិសឃាត់ខ្លួនមនុស្សជាច្រើននាក់ ប៉ុន្តែគេមិនទាន់ច្បាស់ថា ពួកគេជានរណានោះទេ។ កម្លាំងពិសេសបានគ្រប់គ្រងដើម្បីគ្រប់គ្រងស្ថានការណ៍បាន ក្នុងរយៈពេលពីរឬបីម៉ោង និងដោះលែងចំណាប់ខ្មាំងដែលជាបុគ្គលិកពេទ្យចំនួនបីនាក់ និងឆ្មាំគុកចំនួនបីនាក់។
ក្រុមមន្ត្រីនិយាយថា បុគ្គលិកគុកចំនួន៤ នាក់រងរបួសក្នុងការប៉ះទង្គិចប៉ុន្តែមិនមានអ្នកស្លាប់ទេ។ របាយការណ៍ដំបូងលើកឡើងថា មានមនុស្សប្រហែល៥០០ នាក់ចូលរួមក្នុងកុបកម្ម ប៉ុន្តែក្រោយមកចំនួននេះត្រូវគេកែសម្រួលដោយបង្ហាញថា មានមនុស្សចំនួនប្រហែល១០០ នាក់។
![](https://i0.wp.com/cdn.nctc.gov.kh/2019/05/ា-70.jpg?resize=280%2C157&ssl=1)