ប្រភពព័ត៌មានRT ផ្សាយថ្ងៃទី២៨ ខែឧសភា ឆ្នាំ២០១៩
ក្រសួងការពារជាតិនិយាយនៅថ្ងៃអង្គារថា យោធាទួរគីចាប់ផ្តើមប្រតិបត្តិការមួយជាមួយកងកម្លាំងកុម្ម៉ង់ដូដែលទទួលបានការគាំទ្រពីក្រុមកាំភ្លើងធំ និងធ្វើការវាយប្រហារតាមអាកាសប្រឆាំងនឹងពួកសកម្មប្រយុទ្ធឃឺដនៅតំបន់ភ្នំភាគខាងជើងប្រទេសអ៊ីរ៉ាក់។
យោងតាមសេចក្តីថ្លែងការណ៍បន្ថែមឱ្យដឹងថា ការវាយលុកនេះចាប់ផ្តើមដោយប្រើកាំភ្លើងធំ និងធ្វើការវាយប្រហារតាមអាកាសនៅរសៀលថ្ងៃចន្ទ។ ចំណែកឯប្រតិបត្តិការរបស់កងវរសេនាតូចចាប់ផ្ដើមនៅម៉ោង៨ យប់ដើម្បីបំបាត់ក្រុមភេរវករ និងបំផ្លាញជម្រករបស់ពួកគេ។
ប្រតិបត្តិការនេះធ្វើឡើងកំណត់គោលដៅលើតំបន់ Hakurk ក្នុងប្រទេសអ៊ីរ៉ាក់ដោយគ្រាន់តែត្រូវឆ្លងកាត់ព្រំប្រទល់មកភាគខាងជើងរបស់ប្រទេសទួរគី (ព្រំប្រទល់ក៏ជាប់ប្រទេសអ៊ីរ៉ង់ផងដែរ)។ ក្រុមសកម្មជនគណបក្សឃឺដ (PKK) មានមូលដ្ឋាននៅភាគខាងជើងប្រទេសអ៊ីរ៉ាក់ ជាពិសេសនៅក្នុងតំបន់ Qandil នៅភាគខាងត្បូងតំបន់ Hakurk ។
![](https://i0.wp.com/cdn.nctc.gov.kh/2019/05/ា-76.jpg?resize=505%2C283&ssl=1)