ប្រភពព័ត៌មានពី RT ចេញផ្សាយថ្ងៃទី២៩ ខែឧសភា ឆ្នាំ២០១៩
លោកអនុរដ្ឋមន្រ្តីក្រសួងការបរទេស Faruk Kaymakci មានប្រសាសន៍នៅថ្ងៃពុធថា របាយការណ៍របស់សហភាពអឺរ៉ុបលើប្រទេសទួរគីមិនបានវាយតម្លៃពីស្ថានភាពបច្ចុប្បន្ននៅក្នុងប្រទេសទេ ហើយប្រទេសទួរគីមិនអាចទទួលយកការរិះគន់អយុត្តិធម៌ដែលសហភាពអឺរ៉ុបផ្តល់ឱ្យនោះទេ។
នៅក្នុងរបាយការណ៍ចេញផ្សាយនៅព្រឹកថ្ងៃចន្ទ សហភាពអឺរ៉ុបរិះគន់បន្ថែមទៀតនៅក្នុងប្រព័ន្ធយុត្តិធម៌ប្រទេសទួរគីលើបញ្ហាជាច្រើនរាប់ចាប់ពីបញ្ហាសិទ្ធិមនុស្សដល់គោលនយោបាយសេដ្ឋកិច្ច។
លោក Kaymakci មានប្រសាសន៍ថា ទីក្រុងអង់ការ៉ានឹងយកចិត្តទុកដាក់លើការរិះគន់ក្នុងន័យស្ថាបនានៅក្នុងរបាយការណ៍។ មន្ត្រីដដែលបន្ថែមថា ប្រទេសទួរគីក៏រំពឹងផងដែរថា សម្ព័ន្ធមិត្តអឺរ៉ុបរបស់ខ្លួននឹងគាំទ្រក្នុងការប្រយុទ្ធប្រឆាំងនឹងការគំរាមកំហែងផ្នែកសន្តិសុខ។
![](https://i0.wp.com/cdn.nctc.gov.kh/2019/05/ា-83.jpg?resize=280%2C157&ssl=1)