ប្រភពព័ត៌មានពី RT ចេញផ្សាយថ្ងៃទី២៩ ខែឧសភា ឆ្នាំ២០១៩
មេដឹកនាំគណបក្សអភិរក្សនិយមរបស់កាណាដា និងមេដឹកនាំបក្សប្រឆាំងលោក Andrew Scheer មានប្រសាសន៍ថា លោកចង់បញ្ឈប់ឱ្យមានការឆ្លងកាត់ព្រំដែនដោយខុសច្បាប់ពីសហរដ្ឋអាមេរិកដោយពិនិត្យមើលឡើងវិញនូវកិច្ចព្រមព្រៀងជនភៀសខ្លួនរបស់ប្រទេសទាំងពីរ។
លោក Scheer បញ្ជាក់ពីសំណើរបស់លោកសម្រាប់គោលនយោបាយលើការធ្វើចំណាកស្រុកប្រសិនបើគណបក្សរបស់លោកអាចកម្ចាត់បក្សសេរីនិយមរបស់លោក Justin Trudeau នៅក្នុងការបោះឆ្នោតទូទៅនៅខែតុលា។ លោកមានប្រសាសន៍នៅថ្ងៃអង្គារថា «យើងនឹងធ្វើការដើម្បីបញ្ចប់ការឆ្លងកាត់ព្រំដែនខុសច្បាប់នៅតាមផ្លូវក្រៅផ្លូវការដូចជាផ្លូវ Roxham ដោយធ្វើការបំបាត់ចន្លោះប្រហោងនៅក្នុងកិច្ចព្រមព្រៀងដែលអនុញ្ញាតឱ្យមនុស្សមួយចំនួនរំលងជួរ និងមិនតម្រង់ជួរ។
នៅក្រោមកិច្ចព្រមព្រៀងឆ្នាំ២០១៤ អ្នកណាម្នាក់ដែលដាក់ពាក្យសុំសិទ្ធិជ្រកកោននៅក្នុងសហរដ្ឋអាមេរិក ឬកាណាដាត្រូវដាក់ពាក្យសុំរបស់ខ្លួននៅក្នុងប្រទេសណាដែលពួកគេចូលជាមុនសិន។ ដើម្បីចៀសវាងពីការគោរពតាមច្បាប់ហើយធានាឱ្យបានថា ការដាក់ពាក្យសុំសិទ្ធិជ្រកកោនរបស់ពួកគេនឹងត្រូវគេទទួលនៅក្នុងប្រទេសកាណាដាជននោះចំណាកស្រុករាប់ពាន់នាក់ឆ្លងកាត់ព្រំដែនតាមផ្លូវក្រៅផ្លូវការ។
