ប្រភពព័ត៌មានពី RT ចេញផ្សាយថ្ងៃទី២៩ ខែឧសភា ឆ្នាំ២០១៩
ស្តេច Abdullah របស់ហ្ស៊ូដង់ប្រាប់ទៅកាន់លោក Jared Kushner ទីប្រឹក្សារបស់ប្រធានាធិបតីអាមេរិកលោក Donald Trump ថា សន្តិភាពនៅមជ្ឈិមបូព៌ាយូរអង្វែងអាចកើតមានតែជាមួយការបង្កើតរដ្ឋប៉ាឡេស្ទីនលើដែនដីដែលត្រូវចាប់យកដោយអ៊ីស្រាអែលនៅក្នុងសង្គ្រាមឆ្នាំ ១៩៦៧ និងជាមួយភាគខាងកើតនៃក្រុងយេរូសាឡឹមជារាជធានីរបស់ខ្លួន នេះបើតាម Reuters។
Kushner កំពុងដឹកនាំគណៈប្រតិភូអាមេរិកទៅកាន់មជ្ឈឹមបូព៌ានៅសប្តាហ៍នេះដើម្បីស្វែងរកការគាំទ្រសិក្ខាសាលានៅចុងខែមិថុនានេះក្នុងគោលបំណងជួយដល់ប្រជាជនប៉ាឡេស្ទីន។
សេចក្តីថ្លែងការណ៍មួយនៅព្រះបរមរាជវាំងនៅថ្ងៃពុធនេះនិយាយថា ព្រះមហាក្សត្រទៅកាន់ប្រាប់លោក Kushner ថាអ៊ីស្រាអែលត្រូវតែដកចេញពីតំបន់ West Bank ដែលស្ថិតនៅក្រោមការត្រួតត្រារបស់ហ្ស៊ូដង់មុនពេលអ៊ីស្រាអែលចាប់យកវានៅក្នុងសង្គ្រាមអារ៉ាប់ – អ៊ីស្រាអែលឆ្នាំ ១៩៦៧ ។
ហ្ស៊ូដង់ត្រូវគេរាយការណ៍ថាមានការព្រួយបារម្ភថា ផែនការសម្ងាត់របស់ក្រុងវ៉ាស៊ីនតោននៅស្ងៀមក្នុងការបញ្ចប់ជម្លោះអារ៉ាប់ និងអ៊ីស្រាអែលអាចនឹងបោះជំហានទៅរកដំណោះស្រាយសម្រាប់រដ្ឋទាំងពីរ៕
