ប្រភពព័ត៌មានពី RT ចេញផ្សាយថ្ងៃទី៥ ខែមិថុនា ឆ្នាំ២០១៩
រដ្ឋាភិបាលអាឡឺម៉ង់បញ្ជាក់សារជាថ្មីពីជំហររបស់ខ្លួនថា បញ្ហាសំណងសង្គ្រាមលោកលើកទី២ ទៅកាន់ប្រទេសក្រិកនឹងមានការដោះស្រាយ។ សេចក្តីថ្លែងការណ៍ធ្វើឡើងក្រោយពីទីក្រុងអាថែន(Athens ) ស្នើសុំឱ្យទីក្រុងបែរឡាំង(Berlin ) ចូលក្នុងកិច្ចចរចាលើការទូទាត់សំណង។
ឯកអគ្គរដ្ឋទូតរបស់ប្រទេសក្រិកដាក់សំណើជាផ្លូវការមួយនៅថ្ងៃអង្គារ។ អ្នកនាំពាក្យក្រសួងការបរទេសអាឡឺម៉ង់លោក Rainer Breul មានប្រសាសន៍ក្នុងទីក្រុងបែរឡាំងនៅថ្ងៃពុធថា លោកកំពុងពិនិត្យមើលខ្លឹមសាររបស់សំណើ។
គណៈកម្មាធិការសភាក្រិកនៅឆ្នាំ២០១៦ ធ្វើការប៉ាន់ប្រមាណថា ពួកគេអាចទាមទារសំណងអប្បបរមា ២៩២ពាន់លានអឺរ៉ូ (៣២៨ ពាន់លានដុល្លារ) សម្រាប់ការកាន់កាប់របស់ប្រទេសអាឡឺម៉ង់នៅសង្គ្រាមលោកលើកទី II ក្នុងប្រទេសក្រិក និងបន្ថែម ៩,២ ពាន់លានអឺរ៉ូនៅសង្គ្រាមលោកលើកទី១។ នៅខែមេសា តំណាងរាស្រ្តប្រទេសក្រិកគាំទ្រសំណើអោយរាជរដ្ឋាភិបាលធ្វើការស្នើលើការរកឃើញទាំងនោះ។
![](https://i0.wp.com/cdn.nctc.gov.kh/2019/06/ា-18.jpg?resize=280%2C157&ssl=1)