ប្រភពព័ត៌មានពី RT ចេញផ្សាយថ្ងៃទី ១៦ ខែមិថុនា ឆ្នាំ ២០១៩
ទីក្រុងម៉ូស្គូមិនបានចុះហត្ថលេខាលើកិច្ចសន្យាថ្មីជាមួយទីក្រុង Caracas ទេនាពេលថ្មីៗនេះ នេះបើតាមការបញ្ជាក់របស់ឯកអគ្គរដ្ឋទូតរុស្ស៊ីប្រចាំប្រទេសវ៉េណេស៊ុយអេឡាលោក Vladimir Zaemsky បាននិយាយ និងច្រានចោលការទាមទារកាលពីថ្ងៃអាទិត្យដោយទីប្រឹក្សាសន្តិសុខជាតិអាមេរិកលោក John Bolton ។ Bolton អះអាងនៅលើ Twitter ថា ប្រធានាធិបតី Venezuela លោក Nicolas Maduro “មិនអាចគ្រប់គ្រងធនធានជាច្រើនរបស់វេណេហ្ស៊ុយអេឡា” ហើយថាលោកបានចុះហត្ថលេខាលើកិច្ចសន្យាការពារថ្មីដែលមានតម្លៃ ២០៩លានដុល្លារជាមួយរុស្ស៊ីនៅក្នុងខែឧសភាកន្លងទៅនេះ ខណៈដែលប្រជាជនវ៉េណេស៊ុយអេឡារាប់សែននាក់កំពុងតែអត់ឃ្លាន។
លោក Zaemsky ថ្លែងថា នេះជារឿងប្រឌិតមួយផ្សេងទៀតដែលលោក Bolton ពិតជាត្រូវការដើម្បីរក្សាការបំភាន់ថា ប្រទេសវ៉េណេស៊ុយអេឡាគឺជារូបភាពមួយនៃការគំរាមកំហែង ហើយប្រទេសរុស្ស៊ីគួរតែត្រូវស្តីបន្ទោស។
សហរដ្ឋអាមេរិកជំរុញឱ្យក្រុងម៉ូស្គូម្តងហើយម្តងទៀតឱ្យចាកចេញពីប្រទេសវ៉េណេស៊ុយអេឡា និងបញ្ឈប់កិច្ចសហប្រតិបត្តិការយោធាជាមួយប្រទេសនេះ។ ទោះយ៉ាងណាក៏ដោយប្រទេសរុស្ស៊ីបានច្រានចោលការគំរាមកំហែងបែបនេះដោយលើកឡើងថាកិច្ចសហប្រតិបត្តិការជាមួយ Caracas កំពុងបន្តអស់រយៈពេលជាច្រើនឆ្នាំមកហើយ ជាពិសេសនឹងត្រូវពង្រីកបន្ថែមទៀតនាពេលខាងមុខ៕
![](https://i0.wp.com/cdn.nctc.gov.kh/2019/06/ASEAN_Ex_Dev.pptx-21.jpg?resize=280%2C157&ssl=1)