អ៊ីរ៉ង់អះអាងបាញ់ទម្លាក់យន្តហោះគ្មានមនុស្សបើករបស់សហរដ្ឋអាមេរិក

ប្រភពព័ត៌មានពី RT ចេញផ្សាយថ្ងៃទី២០ ខែមិថុនា ឆ្នាំ២០១៩

អ៊ីរ៉ង់បាញ់ទម្លាក់យន្តហោះគ្មានមនុស្សបើករបស់អាមេរិក RQ-៤ ដែលហោះពីលើខេត្ត Hormuzgan ។ យោធាអាមេរិកបដិសេធមិនធ្វើអត្ថាធិប្បាយ។ កងអនុសេនាធំបដិវត្តន៍អ៊ីស្លាមបង្ក្រាបយន្តហោះចម្បាំងចារកម្មអាមេរិកដែលលុកលុយទឹកដីរបស់ប្រទេសអ៊ីរ៉ង់។ នេះបើយោងតាមសេចក្តីថ្លែងការណ៍ចេញផ្សាយនៅថ្ងៃព្រហស្បតិ៍។

យន្តហោះគ្មានមនុស្សបើកត្រូវទីភ្នាក់ងារសារព័ត៌មានរដ្ឋរបស់ IRNA ស្គាល់ថា ជា RQ-៤ Global Hawk កំពុងហោះហើរនៅលើតំបន់ Kuh Mubarak ក្នុងខេត្ត Hormozgan។ RQ-៤s ជាធម្មតាហោះហើរនៅកម្ពស់ខ្ពស់ដើម្បីធ្វើបេសកកម្មឈ្លបយកការណ៍។ សហរដ្ឋអាមេរិកមិនទាន់ឆ្លើយតបចំពោះការចោទប្រកាន់នេះនៅឡើយទេ ខណៈពេលដែលមន្ទីរបញ្ចកោណធ្លាប់ចោទប្រកាន់ប្រទេសអ៊ីរ៉ង់នៅថ្ងៃអាទិត្យមុនពីការប៉ុនប៉ងបាញ់ទម្លាក់យន្តហោះគ្មានមនុស្សបើករបស់អាមេរិកកំពុងសង្កេត​មើលនាវាដឹកប្រេងមួយគ្រឿងដែលរងការវាយប្រហារក្នុងឈូងសមុទ្រអូម៉ង់នៅសប្តាហ៍មុន។

អ្នកនាំពាក្យរបស់ក្រុមហ៊ុន CENTCOM របស់សហរដ្ឋអាមេរិកប្រាប់ភ្នាក់ងារ AP ថា ពុំមានយន្តគ្មានមនុស្សបើកលើដែនដីរបស់អ៊ីរ៉ង់ទេ។ ទោះយ៉ាងណាមន្ត្រី អាមេរិកដែលមិនបញ្ចេញឈ្មោះប្រាប់ភ្នាក់ងារសារព័ត៌មានថា យានអាកាសគ្មានមនុស្សបើករបស់អាមេរិកត្រូវគេបាញ់ទម្លាក់នៅលើច្រកសមុទ្រ Hormuz។

ប្រភពទាំងនោះនិយាយថា យន្តហោះគ្មានមនុស្សនោះ មានឈ្មោះថា MQ-៤C Triton ត្រូវកាំជ្រួចមីស៊ីលរបស់អ៊ីរ៉ង់វាយទម្លាក់ទៅលើដី។ ភាពតាន​តឹងរវាងសហរដ្ឋអាមេរិក និងអ៊ីរ៉ង់កំពុងកើនឡើងខ្ពស់ដោយមានពាក្យចចាមអារ៉ាមថា សហរដ្ឋអាមេរិកកំពុងរៀបចំការវាយប្រហារតាមយុទ្ធសាស្ត្រដើម្បីឆ្លើយតបចំពោះការវាយប្រហារនៅសប្តាហ៍មុនលើនាវាដឹកប្រេងរបស់ប្រទេសជប៉ុន និងន័រវែសនៅក្នុងឈូងសមុទ្រអូម៉ង់។

ខណៈពេលដែលអាមេរិកស្តីបន្ទោសភ្លាមៗចំពោះការវាយប្រហារទាំងនោះទៅលើប្រទេសអ៊ីរ៉ង់  លោក Mike Pompeo រដ្ឋមន្ត្រីក្រសួងការបរទេសអាមេរិកពន្យល់បកស្រាយពីការវាយប្រហារដែលមានលក្ខណៈខុសគ្នា  និងពីបទពិសោធន៍របស់ពួកនាវិកជប៉ុននៅលើនាវានោះ  ហើយសូម្បីតែសម្ព័ន្ធមិត្តអាមេរិកក៏ទាមទារភស្តុតាងថែមទៀតមុនពេលពួកគេចុះហត្ថលេខាស្តីបន្ទោសលើប្រទេសអ៊ីរ៉ង់។