ប្រភពព័ត៌មានពី RT ចេញផ្សាយថ្ងៃទី២៤ ខែមិថុនា ឆ្នាំ២០១៩
ការផ្ទុះដ៏ខ្លាំងក្លាកើតឡើងនៅឃ្លាំងស្តុករំសេវមួយក្នុងមូលដ្ឋានយោធាភាគខាងត្បូងប្រទេស Kazakhstan។ ហេតុការណ៍នោះបណ្តាលឱ្យមនុស្សចំនួន ១នាក់ស្លាប់ និងមនុស្សរាប់សិបនាក់ទៀតរងរបួស។ ការផ្ទុះបង្កឱ្យមានភ្លើងឆេះ និងផ្សែងហុយចេញពីកន្លែងកើតហេតុ។
រូបភាពពីកន្លែងកើតហេតុបង្ហាញពីផ្សែងខ្មៅយ៉ាងច្រើន និងមានលឺសំឡេងមនុស្សភ័យខ្លាចរត់ចេញពីកន្លែងកើតហេតុ។ យោងតាមរបាយការណ៍បឋមបង្ហាញឱ្យដឹងថា អគ្គីភ័យនៅមូលដ្ឋានក្បែរទីក្រុង Arys ចាប់ផ្តើមផ្ទុះឡើងនៅព្រឹកថ្ងៃចន្ទ និងមានការផ្ទុះជាបន្តបន្ទាប់បន្ថែម ទៀត។
យោងតាមប្រភពព័ត៌មានពីមន្ត្រីពេទ្យបង្ហាញឱ្យដឹងថា មានមនុស្សច្រើនជាង ៧០នាក់រងរបួសដោយសារការផ្ទុះនេះក្នុងនោះមានរួមទាំងមនុស្សចំនួន ២នាក់ត្រូវបញ្ជូនទៅសម្រាកព្យាបាលនៅមន្ទីរពេទ្យ។ មនុស្សម្នាក់ស្លាប់ក្នុងការផ្ទុះ។
អភិបាលស្រុកលោកUmirzak Shukeyev ប្រាប់អ្នកយកព័ត៌មានថា រថយន្តរបស់ជនរងគ្រោះរងការវាយប្រហារពីគ្រាប់ដែលផ្ទុះខ្ទាតចេញ។ ក្រោយមក គេក៏ចាត់វិធានការណ៍ជម្លៀសមនុស្សនៅតំបន់កើតហេតុ។ សេវាជួយសង្គ្រោះក្នុងស្រុកនិយាយថា ពួកគេបញ្ជូនកងពន្លត់អគ្គីភ័យចំនួន ៨ ដើម្បីឆ្លើយតបនឹងគ្រោះមហន្តរាយនេះ។
![](https://i0.wp.com/cdn.nctc.gov.kh/2019/06/5d0fef77dda4c89f708b4571-1.jpg?resize=280%2C157&ssl=1)