ប្រភពព័ត៌មានពី RT ផ្សាយថ្ងៃទី០៤ ខែកញ្ញា ឆ្នាំ២០១៩
ភ្នាក់ងារព័ត៌មានស្រង់សម្តីមន្ត្រីយ៉េមែនម្នាក់នៅថ្ងៃពុធថាមន្រ្តីរដ្ឋាភិបាលយ៉េមែនចាប់ផ្តើមពិភាក្សាដោយប្រយោលជាមួយក្រុមបំបែកខ្លួននៅភាគខាងត្បូងគាំទ្រដោយអារ៉ាប់រួមក្នុងទីក្រុងជេដានៃសមុទ្រក្រហមដើម្បីបញ្ចប់ការប្រយុទ្ធគ្នានៅក្នុងទីក្រុងអាដែន និងខេត្តភាគខាងត្បូង។ ការប្រយុទ្ធនៅភាគខាងត្បួងប្រទេសយ៉េមែនបើកមុខថ្មីក្នុងសង្រ្គាមចម្រុះ និងគំរាមកំហែងបង្កការបែកបាក់ដល់ប្រទេសយេម៉ែនថែមទៀត។ រដ្ឋាភិបាល និងកម្លាំងបំបែកខ្លួនគឺជាផ្នែកមួយរបស់ក្រុមចម្រុះដឹកនាំដោយអារ៉ាប៊ីសាអូឌីត ដែលធ្លាប់ធ្វើអន្តរាគមន៍ក្នុងប្រទេសយ៉េមែននៅខែមីនាឆ្នាំ២០១៥ ប្រឆាំងនឹងក្រុមហូទី។ ក្រុមបំបែកខ្លួន(ក្រុមដែលព្យាយាមស្តារអតីតសាធារណរដ្ឋយ៉េមែនខាងត្បូង) ណ្តើមកាន់កាប់ភាគខាងត្បូងនៃកំពង់ផែអាដែនហើយប្រកាសថា អាជ្ញាធររដ្ឋាភិបាលសាណាមិនចង់បានតំបន់នៅភាគខាងត្បូងទេ។ នៅសប្តាហ៍មុនដៃគូចម្រុះដ៏សំខាន់របស់អារ៉ាប់ប៊ីសាអូឌីតគឺអារ៉ាប់រួមធ្វើការវាយប្រហារតាមអាកាសលើកងកម្លាំងរដ្ឋាភិបាល។ ការវាយប្រហារនោះមានគោលបំណងដើម្បីគាំទ្រក្រុមបំបែកខ្លួនរបស់ក្រុមប្រឹក្សាអន្តរកាលភាគខាងត្បូង នៅពេលដែលកម្លាំងរបស់ពួកគេដណ្តើមការកាន់កាប់តំបន់អាដែនឡើងវិញ ដោយបង្ខំឱ្យកម្លាំងរដ្ឋាភិបាលដកថយ៕
