ប្រភពព័ត៌មានពី IraqiNews ចេញផ្សាយថ្ងៃទី0៨ ខែកញ្ញា ឆ្នាំ២០១៩
ក្រុមយោធាអ៊ីរ៉ាក់បាននិយាយថាយុទ្ធជនរបស់ខ្លួនបានសម្លាប់សមាជិកក្រុមសកម្មប្រយុទ្ធរដ្ឋអ៊ីស្លាមចំនួន៤នាក់នៅក្នុងខេត្ត Salahuddin។ មជ្ឈមណ្ឌលព័ត៌មាននៃកងកម្លាំងចលនានិយមបាននិយាយនៅក្នុងសេចក្តីប្រកាសព័ត៌មានមួយកាលពីថ្ងៃអាទិត្យនេះថា កម្លាំងកងពលតូចលេខ៦នៃកងកំលាំងចលនានិយមបានសម្លាប់សកម្មប្រយុទ្ធរដ្ឋអ៊ីស្លាមចំនួន៤នាក់ក្នុងកំឡុងពេលប្រតិបត្តិការសន្តិសុខនៅលើភ្នំ Makhoul ភាគឦសាននៃខេត្ត Salahuddin។ យោងតាមសេចក្តីប្រកាសនេះបានឱ្យដឹងផងដែរថាការស្វែងរកបានធ្វើឡើងសម្រាប់ក្រុមសកម្មប្រយុទ្ធ IS ផ្សេងទៀតដែលស្ថិតនៅក្នុងតំបន់នោះ។ គួរបញ្ជាក់ថាកងកម្លាំងចលនានិយមគឺជាសម្ព័ន្ធមិត្តនៃកងកំលាំងប្រដាប់អាវុធស្ម័គ្រចិត្ត Shia ដែលគាំទ្រយ៉ាងសកម្មក្នុងយុទ្ធនាការយោធារបស់រដ្ឋាភិបាលអ៊ីរ៉ាក់ប្រឆាំងនឹងក្រុម IS ចាប់តាំងពីឆ្នាំ២០១៤ នៅពេលនោះពួកគេត្រូវបានបង្កើតដោយក្រុមបព្វជិតជាន់ខ្ពស់ Shia ដើម្បីប្រឆាំងនឹងក្រុមជីហាដនិយម។ កងកម្លាំងចលនានិយមនេះទទួលបានការទទួលស្គាល់ជាផ្លូវការថាជាកម្លាំងជាតិកាលពីចុងឆ្នាំ២០១៦ ដោយស្ថិតនៅក្រោមបញ្ជារបស់នាយករដ្ឋមន្រ្តីដែលជាមេបញ្ជាការកំពូលនៃកងកម្លាំងប្រដាប់អាវុធ៕
