ប្រភពព័ត៌មាន TASS ផ្សាយថ្ងៃទី១៧ ខែកញ្ញា ឆ្នាំ២០១៩
ទូរទស្សន៍ប៉ុស្តិ៍លេខ១ រាយការណ៍ពីសេវាវេជ្ជសាស្ត្រថាយ៉ាងហោចណាស់មានមនុស្សចំនួន ២៤នាក់ស្លាប់ និង៣១នាក់ផ្សេងទៀតរងរបួសក្នុងការផ្ទុះមួយកើតឡើងនៅថ្ងៃអង្គារ៍នៅជិតកន្លែងប្រមូលផ្តុំនៃការបោះឆ្នោតធ្វើឡើងដោយប្រធានាធិបតីអាហ្វហ្គានីស្ថានក្នុងខេត្តប៉ាវ៉ាវ៉ាប្រទេសអាហ្វហ្គានីស្ថាន។ ប្រភពរាយការណ៍មុននោះថាការផ្ទុះចំនួនពីរធ្វើឱ្យកក្រើកស្រុក ខណៈដែលមានមនុស្សពីរបីពាន់នាក់ប្រមូលផ្តុំគ្នាសម្រាប់ការជួបជុំនេះ។ ក្រុមការងាររចនាសម្ព័ន្ធថាមពលអាហ្វហ្គានីស្ថានបញ្ជាក់ថាគ្រាប់បែកមួយក្នុងចំណោមគ្រាប់បែកទាំងនោះគឺជាឧបករណ៍ផ្ទុះដែលដាក់នៅក្រោមរថយន្តសេវាកម្មសន្តិសុខ។ មិនទាន់មានអង្គការជ្រុលនិយមណាមួយអះអាងទទួលខុសត្រូវចំពោះការវាយប្រហារនេះទេ។ ការផ្ទុះកើតឡើងនៅពេលដែលលោក ហ្គានី ជិតចាប់ផ្តើមថ្លែងសុន្ទរកថា។ លោកប្រធានាធិបតីមិនរងរបួសទេ។ បុគ្គលិករបស់គាត់ធ្វើការសម្រេចចិត្តធ្វើកម្មវីធីបន្តទៀត។ ការបោះឆ្នោតប្រធានាធិបតីអាហ្វហ្គានីស្ថានត្រូវគេគ្រោងធ្វើនៅថ្ងៃទី២៨ ខែកញ្ញា ឆ្នាំ២០១៩ ។ ផែនការមុនៗធ្លាប់ស្នើឱ្យមានការបោះឆ្នោតនៅថ្ងៃទី២០ ខែកក្កដា ប៉ុន្តែផែនការនោះត្រូវគេរៀបចំឡើងវិញពីរបីដងរហូតមកដល់ពេលនេះ។ លោក ហ្គានី ដឹកនាំប្រទេសតាំងពីឆ្នាំ២០១៤។ រដ្ឋធម្មនុញ្ញអាហ្វហ្គានីស្ថាននិយាយថា ប្រធានាធិបតីត្រូវបានគេបោះឆ្នោតជ្រើសរើសរយៈពេល៥ឆ្នាំ ហើយអាចត្រូវគេជ្រើសតាំងសម្រាប់អាណត្តិទី២៕
