ប្រភពព័ត៌មានពី RT ចុះផ្សាយថ្ងៃទី១៨ ខែកញ្ញា ឆ្នាំ២០១៩
ប្រធានាធិបតីលោក Recep Tayyip Erdogan និយាយកាលពីថ្ងៃពុធនេះថា ជនភៀសខ្លួនស៊ីរីរហូតដល់ទៅ៣លាននាក់អាចវិលត្រឡប់ទៅរក “តំបន់មានសុវត្ថិភាព” ដែលប្រទេសទួរគីកំពុងតែស្វែងរកដើម្បីបង្កើតនៅភាគខាងជើងនៃប្រទេសស៊ីរី។ ទួរគីជាជម្រករបស់ជនភៀសខ្លួនស៊ីរីជាង៣,៦លាននាក់។ ដោយធ្វើការជាមួយអាមេរិក កងកំលាំងរបស់ប្រទេសទួរគីកំពុងស្វែងរកដើម្បីបោសសំអាតតំបន់ភាគខាងជើងនៃប្រទេសស៊ីរីមួយផ្នែកដើម្បីរុញច្រានក្រុមឧទ្ទាមឃឺដឱ្យចេញពីព្រំដែនរបស់ខ្លួន។ សម្រាប់ទីក្រុងអង់ការ៉ា អាទិភាពសំខាន់គឺការទប់ស្កាត់ឥទ្ធិពលរបស់អង្គភាពការពារប្រជាជនឃឺដ (YPG) របស់ស៊ីរីដែលខ្លួនមើលឃើញថាជាការបាញ់ប្រហាររបស់ក្រុមបំបែកខ្លួនឃឺដនៅក្នុងទឹកដីរបស់ខ្លួននោះ។ នៅក្នុងសុន្ទរកថាតាមទូរទស្សន៍មួយលោក Erdogan និយាយថាប្រសិនបើទទួលជោគជ័យ យើងនឹងអាចមានផ្ទះជាតំបន់សុវត្ថិភាពសម្រាប់ជនភៀសខ្លួនស៊ីរីចំនួន២ ទៅ ៣លាននាក់ដែលបច្ចុប្បន្នកំពុងស្ថិតនៅក្នុងប្រទេសទួរគី និងអឺរ៉ុប។ កាលពីដើមសប្តាហ៍នេះ លោក Erdoganនិយាយថា លោកប្រមើលមើលទៅលើ “ច្រករបៀងសន្តិភាព” ខណៈដែលលាតសន្ធឹងនៅលើទឹកដីភាគខាងជើងប្រទេសស៊ីរីឆ្ពោះទៅកាន់តំបន់ Deir ez-Zor និង Raqqa នេះបើតាមការរាយការណ៍របស់ AFP៕
