ប្រភពព័ត៌មានពី RT ផ្សាយថ្ងៃទី២២ ខែកញ្ញា ឆ្នាំ២០១៩
អ្នកតំណាងចលនាតាលីបង់ (ក្រុមខុសច្បាប់ក្នុងប្រទេសរុស្ស៊ី)ជួបជាមួយអ្នកការទូតចិននៅទីក្រុងប៉េកាំងដើម្បីពិភាក្សាអំពីស្ថានភាពជុំវិញការសន្ទនារបស់ក្រុមតាលីបង់ជាមួយរដ្ឋបាលសហរដ្ឋអាមេរិក និងកិច្ចព្រមព្រៀងស្តីពីការស្តារសន្តិភាពក្នុងប្រទេសអាហ្វហ្គានីស្ថាននៅថ្ងៃអាទិត្យ។ យោងតាមប្រភពព័ត៌មានពីលោក Shaheen បញ្ជាក់ថា អនុប្រធានមេដឹកនាំតាលីបង់លោក Mullah Abdul Ghani Baradar ជួបជាមួយអ្នកតំណាងក្រសួងការបរទេសចិនសម្រាប់អាហ្វហ្គានីស្ថានលោក Deng Xijun នៅទីក្រុងប៉េកាំង។ ភាគីទាំងពីរជជែកគ្នាពីកិច្ចពិភាក្សារបស់ក្រុមតាលីបង់ជាមួយមន្រ្តីរដ្ឋបាលសហរដ្ឋអាមេរិក និងពីសេចក្តីព្រាងនៃកិច្ចព្រមព្រៀងសន្តិភាពមួយក្នុងអំឡុងពេលពិភាក្សានៅប្រទេសកាតា។ ប្រតិភូរបស់តាលីបបង់មានចំនួន៩នាក់។ សហរដ្ឋអាមេរិកចាប់ផ្តើមធ្វើការការចរចាដាច់ដោយឡែកពីគ្នាជាមួយក្រុមតាលីបង់នៅដើមរដូវស្លឹកឈើជ្រុះឆ្នាំ២០១៨។ រដ្ឋាភិបាលទីក្រុងកាប៊ុលមិនបានចូលរួមកិច្ចពិភ្សានោះទេ ហើយដំណឹងអំពីលទ្ធផលទទួលបានតែពីភាគីសហរដ្ឋអាមេរិកប៉ុណ្ណោះ។ ក្រោយពីមានកិច្ចពិភាក្សាចំនួន៩លើក អ្នកតំណាងសហរដ្ឋអាមេរិកដើម្បីសន្តិភាពនៅអាហ្វហ្គានីស្ថាន លោក Zalmay Khalilzad បញ្ជាក់នៅដើមខែកញ្ញាថា កិច្ចព្រមព្រៀងសន្តិភាពជាគោលការណ៍មួយដែលគេឈានដល់ជាមួយក្រុមតាលីបង់។ ក្នុងចំណោមរឿងជាច្រើនទៀតក្នុងកិច្ចព្រមព្រៀងគេរំពឹងថា នឹងមានការដកទាហានអាមេរិច្រើនជាង៥,០០០នាក់ចេញពីប្រទេសអាហ្វហ្គានីស្ថាន។ ប៉ុន្តែក្រោយពីមានការវាយប្រហារភេរវកម្មនៅទីក្រុងកាប៊ុលសម្លាប់មនុស្ស១២នាក់ដែលក្នុងនោះមានទាហានអាមេរិកផងដែរនោះទើបប្រធានាធិបតីអាមេរិកលោក ដូណាល់ ត្រាំ បានលុបចោលការប្រជុំរបស់លោកជាមួយមេដឹកនាំតាលីបង់ ហើយដំបូងឡើយធានាធិបតីអាហ្វហ្គានីស្ថានលោក Ashraf Ghani គ្រោងនឹងរៀបចំនៅកិច្ចប្រជំក្នុងជំរំ David នៅថ្ងៃទី៨ ខែកញ្ញា៕
