ប្រភពព័ត៌មានពី RT ផ្សាយថ្ងៃទី២៤ ខែកញ្ញា ឆ្នាំ២០១៩
គណបក្សធំៗពីររបស់ប្រទេសអ៊ីស្រាអែលជួបប្រជុំគ្នានៅថ្ងៃអង្គារដើម្បីពិភាក្សាពីលទ្ធភាពនៃការបង្កើតរដ្ឋាភិបាលបង្រួបបង្រួមមួយក្រោយពីមានការជាប់គាំងការបោះឆ្នោតជាតិនៅសប្តាហ៍មុន។ ភាពជាប់គាំងអាចបង្ខំឱ្យមានការបោះឆ្នោតលើកទី៣ ក្នុងរយៈពេលមិនដល់មួយឆ្នាំ។ ភ្នាក់ងារព័ត៌មាន AP និយាយថា កិច្ចប្រជុំរវាងអ្នកតំណាងគណបក្សធ្វើឡើងមួយថ្ងៃបន្ទាប់ពីមេដឹកនាំក្រុមព័ណ៌ខៀវ និងព័ណ៌សលោក Benny Gantz និងនាយករដ្ឋមន្ត្រី Benjamin Netanyahu នៃគណបក្ស Likud ដែលជាគូប្រជែងបើកការប្រជុំដំបូងរបស់ពួកគេចាប់តាំងពីមានការបោះឆ្នោត។ ក្រុមនិយមព័ណ៌ខៀវ និងសរបស់លោក Gantz ឈរក្នុងលេខរៀងទី១ក្នុងការបោះឆ្នោតដែលមាន៣៣អាសនៈដោយបក្ស Likud របស់លោក Netanyahu ស្ថិតនៅលេខរៀងទី៣១។ ដោយមានគណបក្សសម្ព័ន្ធមិត្តតូចៗសមាជិកសភាសរុបចំនួន៥៥រូបបោះជំហានគាំទ្រលោក Netanyahu ប្រឆាំងនឹងសមាជិកចំនួន ៥៤របស់លោក Gantz ធ្វើឲ្យបុរសទាំងពីរមិនអាចទទួលបានអាសនៈចំនួន៦១តាមសេចក្តីត្រូវការ។ គេមើលឃើញថា កិច្ចព្រមព្រៀងឯកភាពរវាងគណបក្សធំៗ ដែលមានការដឹកនាំវិលជុំអាចជាជាផ្លូវតែមួយគត់ចេញពីការរាំងស្ទះដំណើរការដឹកនាំ។ លោក Gantz ទទូចថា គាត់គួរតែទៅមុន ហើយលោកប្តេជ្ញាថាមិនធ្វើជាដៃគូជាមួយបក្ស Likud ដរាបណាលោក Netanyahu កំពុងកាន់តំណែងនេះ៕
