ប្រភពព័ត៌មានពី BBC ចេញផ្សាយថ្ងៃទី០១ ខែតុលា ឆ្នាំ២០១៩
ប៉ូលិសទីក្រុង Jakarta បានបាញ់ឧស្ម័នបង្ហូរទឹកភ្នែក កាលពីថ្ងៃច័ន្ទនៅពេលពួកគេប្រយុទ្ធជាមួយនឹងក្រុមបាតុករប្រឆាំងជាមួយនឹងច្បាប់ពុករលួយថ្មីរបស់ឥណ្ឌូនេស៊ី និងការស្នើច្បាប់ព្រហ្មទណ្ឌផងដែរ។ បាតុកម្មទ្រង់ទ្រាយធំនេះបានចាប់ផ្តើមតាំងពីសប្តាហ៍មុនពាក់ព័ន្ធនឹងច្បាប់ថ្មីដែលអ្នករិះគន់ភាពចុះខ្សោយរបស់ទីភ្នាក់ងារប្រឆាំងអំពើពុករលួយនៅក្នុងប្រទេសឥណ្ឌូនេស៊ីនេះផងដែរ។ ក្រុមអ្នកតវ៉ាក៏មានកំហឹងទៅលើក្រមព្រហ្មទណ្ឌដែលហាមឃាត់ការរួមភេទក្រៅអាពាហ៍ពិពាហ៍ និងការរំលូតកូនជាការខុសច្បាប់ក៏ដូចជាបញ្ហាជាច្រើនទៀតផងដែរ។ ជាមួយនេះផងដែរប្រធានាធិបតីលោក Joko Widodo ដែលទើបជាប់ឆ្នោតជាថ្មីនៅឆ្នាំនេះ បានសន្យាថានឹងសម្អាតរដ្ឋាភិបាល និងស្បថចូលកាន់តំណែងជាអាណត្តិទី២ របស់ខ្លួននៅថ្ងៃទី២០ ខែតុលា ខាងមុខនេះ។ ការបោះឆ្នោតលើក្រមព្រហ្មទណ្ឌត្រូវបានពន្យារពេលរហូតដល់សភាបន្ទាប់ និងលោកបានស្នើឱ្យការពិចារណាលើការលុបចោលច្បាប់ប្រឆាំងអំពើពុករលួយផងដែរ៕
