ប្រភពព័ត៌មានពី IraqiNews ចេញផ្សាយថ្ងៃទី០១ ខែតុលា ឆ្នាំ២០១៩
ក្រសួងសុខាភិបាលបាននិយាយថាជនអ៊ីរ៉ាក់ម្នាក់ស្លាប់ និង២០០នាក់ផ្សេងទៀតរងរបួសកាលពីថ្ងៃអង្គារ៍នេះនៅក្នុងការប៉ះទង្គិចគ្នារវាងក្រុមបាតុករ និងកងកំលាំងសន្តិសុខនៅក្នុងទីក្រុងផ្សេងៗគ្នាក្នុងប្រទេសអ៊ីរ៉ាក់។ ក្រសួងបាននិយាយនៅក្នុងសេចក្តីថ្លែងការណ៍មួយថាការប៉ះទង្គិចគ្នាជាមួយក្រុមបាតុករផងដែរធ្វើឱ្យសន្តិសុខជាបុរស៤០នាក់រងរបួស។ ជាមួយគ្នានេះស្ថាប័នសន្តិសុខរបស់រដ្ឋាភិបាលបានស្តីបន្ទោសក្រុមកុបកម្មមួយចំនួនបានបង្កអំពើហិង្សាក្នុងចំណោមអ្នកតវ៉ាដោយសន្តិវិធី។ នៅក្នុងសេចក្ដីថ្លែងការណ៍របស់ខ្លួនប្រព័ន្ធផ្សព្វផ្សាយសន្ដិសុខបានអំពាវនាវដល់ក្រុមបាតុករឱ្យមានការអត់ធ្មត់ និងគោរពដល់សិទ្ធិធ្វើបាតុកម្មដែលត្រូវបានធានាដោយរដ្ឋធម្មនុញ្ញ។ គួររំលឹកថាខេត្តជាច្រើននៅក្នុងប្រទេសអ៊ីរ៉ាក់បានមើលឃើញថាមានការតវ៉ាទ្រង់ទ្រាយធំដែលជាការឆ្លើយតបទៅនឹងយុទ្ធនាការតាមអ៊ិនធឺណេតដើម្បីបង្ហាញពីការខឹងសម្បារចំពោះស្ថានភាពកាន់តែយ៉ាប់យ៉ឺននៅក្នុងប្រទេសនេះដែលបណ្តាលមកពីកង្វះសេវាកម្ម ការរីករាលដាលអំពើពុករលួយ និងអត្រាគ្មានការងារធ្វើខ្ពស់។ ក្រុមអ្នកតវ៉ាខ្លះបានស្រែកនិយាយពាក្យស្លោកគាំទ្រដល់ឧត្តមសេនីយ៍ទោ Abdul Wahab al-Saadi ដែលត្រូវបានបណ្តេញចេញពីតំណែងជាមេបញ្ជាការនៃសេវាកម្មប្រឆាំងភេរវកម្មអ៊ីរ៉ាក់កាលពីសប្តាហ៍មុន។ ការសម្រេចចិត្តបណ្តេញលោក Abdul Wahab al-Saadi និងផ្ទេរលោកទៅធ្វើការក្រោមបញ្ជារបស់ក្រសួងការពារជាតិបានធ្វើឱ្យមានការភ្ញាក់ផ្អើលក្នុងចំណោមអ្នកសង្កេតការណ៍ដោយហេតុថាលោក Abdul គឺជាឈ្មោះបុគ្គលដ៏ល្បីល្បាញនៅក្នុងសមរភូមិក្នុងរយៈពេល៣ឆ្នាំ និងជោគជ័យជាបន្តបន្ទាប់ប្រឆាំងនឹងក្រុមសកម្មប្រយុទ្ធរដ្ឋអ៊ីស្លាមកាលពីចុងឆ្នាំ២០១៧៕
