ប្រភពព័ត៌មានពី BBC ចេញផ្សាយថ្ងៃទី0៣ ខែតុលា ឆ្នាំ២០១៩
ប៉ូលិសប្រឆាំងភេរវកម្មបានចាប់ខ្លួនមនុស្ស៤នាក់ ដោយសង្ស័យជាសមាជិកអង្គការហាមឃាត់។ ជនជាតិស្រីលង្កាមួយក្រុមនេះត្រូវបានចាប់ខ្លួនបន្ទាប់ពីបានមកដល់អាកាសយានដ្ឋាន Luton កាលពីថ្ងៃសៅរ៍ និងថ្ងៃអាទិត្យថ្មីៗនេះ។ ប៉ូលិសទីក្រុងបាននិយាយថា ក្រុមនេះបានបញ្ឈប់នៅក្រោមច្បាប់ភេរវកម្មឆ្នាំ២០០០ ហើយត្រូវបានចាប់ខ្លួនដោយប៉ូលិស និងភស្តុតាងព្រហ្មទណ្ឌឆ្នាំ១៩៨៤ទៀតផង។ ការស៊ើបអង្កេតកំពុងដឹកនាំដោយបញ្ជាការដ្ឋានប្រឆាំងភេរវកម្ម។ បុរសវ័យ៣៩ឆ្នាំម្នាក់ វ័យ៣៥ឆ្នាំ និងបុរសវ័យ៤១ឆ្នាំម្នាក់កំពុងស្ថិតក្នុងការឃុំឃាំងនៅឯស្ថានីយ៍ប៉ូលិសភាគខាងត្បូងទីក្រុងឡុងដ៏។ នៅក្នុងនោះស្ត្រីវ័យ៣៥ឆ្នាំម្នាក់ ក៏ត្រូវបានធានានៅក្រៅឃុំរហូតមកដល់ដើមខែវិច្ឆិកា ដោយរង់ចាំការសាកសួរបន្ថែម។ សូមបញ្ជាក់ថា ការចូលជាសមាជិកនៃអង្គការដែលប្រកាសហាមឃាត់នេះ គឺផ្ទុយនឹងផ្នែកទី១១នៃច្បាប់ភេរវកម្មឆ្នាំ២០០០៕
