ប្រភពព័ត៌មានពី BBC ចេញផ្សាយថ្ងៃទី២០ ខែតុលា ឆ្នាំ២០១៩
តាមរបារយការណ៍បានឱ្យដឹងថា មានបុរសចំនួន៣នាក់ត្រូវបានចាប់ខ្លួន ដោយមានការសង្ស័យពាក់ព័ន្ធនឹងអំពើឃាតកម្មមួយ បន្ទាប់ពីបុរសម្នាក់បានសម្លាប់នៅក្នុងរថយន្ត នៅពេលទៅដល់មន្ទីរពេទ្យ។ ជនរងគ្រោះវ័យ៣៨ឆ្នាំ ត្រូវបានគេប្រទះឃើញរងរបួសធ្ងន់ នៅផ្លូវ Potter Street ក្នុងទីក្រុង Harlow នៅក្រុមប្រឹក្សាមណ្ឌល Essex នៅពាក់កណ្តាលអធ្រាត្រ កាលពីថ្ងៃព្រហស្បតិ៍កន្លងទៅនេះ។
ប៉ូលិសប្រចាំ Essex បាននិយាយថា ពួកគេទទួលការហៅទូរស័ព្ទ កាលពីព្រឹកព្រលឹមថ្ងៃសុក្រ ហើយបុរសនោះក៏បានស្លាប់នៅក្នុងមន្ទីរពេទ្យ នៅយប់កាលពីថ្ងៃសៅរ៍នេះផងដែរ។ ទទឹមនឹងនេះ កងកម្លាំងបានធ្វើការសួររកសាក្សី ឬនរណា ដែលនៅ High Street ក្នុងតំបន់ Roydon ជាកន្លែងមានរថយន្តមួយបានឆេះ ហើយបន្តិចក្រោយមក ក៏បានទាក់ទងក្រុមកងកម្លាំងតែម្តង។
បញ្ជាក់ដែរថា បុរសទាំង៣នាក់ដែលត្រូវចាប់ខ្លួន ម្នាក់មានវ័យ ២៤ឆ្នាំ ម្នាក់ទៀតវ័យ ៣៤ឆ្នាំ និងមានម្នាក់ទៀតមានវ័យ ៣៥ឆ្នាំ ដែលមកពីទីក្រុង Harlow កំពុងតែស្ថិតនៅក្នុងការឃុំឃាំងរបស់ប៉ូលិសផងដែរ៕
