ក្រុមហ៊ុនប៊ូអ៊ីង(Boeing)បញ្ជាក់ថា ខ្លួនបានចុះចតយន្តហោះចំនួន ៥០ គ្រឿងនៅជុំវិញពិភពលោកបន្ទាប់ពីបានរកឃើញស្នាមប្រេះដែលទាក់ទងនឹងស្លាបយន្តហោះ ហើយនាយកប្រតិបត្តិក្រុមហ៊ុននេះក៏សារភាពថាបានបង្កើតនូវកំហុសសុវត្ថិភាពនេះផងដែរ។
វាជាម៉ូឌែល 737NG (Next Generation) របស់ក្រុមហ៊ុនអាកាសចរណ៍យក្សអាមេរិកដែលឥឡូវនេះកំពុងស្ថិតក្រោមការត្រួតពិនិត្យ។ កាលពីពេលមុននេះយន្តហោះប៊ូអ៊ីង Boeing 737 MAX សម្លាប់មនុស្ស ៣៤៦ នាក់នៅក្នុងការធ្លាក់ពីរលើកនៅប្រទេសឥណ្ឌូនេស៊ី និងអេត្យូពី (Ethiopia)។
អ្នកនាំពាក្យក្រុមហ៊ុនប៊ូអ៊ីងប្រាប់ AFP ថាយន្តហោះប្រហែល ១.០០០ គ្រឿងនៅទូទាំងពិភពលោកបានឈានដល់ចំណុចត្រួតពិនិត្យទាំងអស់។ បញ្ហាការធ្វើអធិការកិច្ចទាំងនេះស្ថិតនៅក្នុងនោះគឺជាអ្វីដែលគេហៅថា’pickle fork’- ផ្នែកនៃយន្ដហោះដែលភ្ជាប់តួខ្លួនទៅស្លាបរបស់វា។
អាជ្ញាធរអាកាសចរណ៍សហរដ្ឋអាមេរិកក្នុងខែនេះបានបញ្ជាឱ្យត្រួតពិនិត្យយន្តហោះប៊ូអ៊ីង Boeing 737NG ដែលបានហោះហើរជាង ៣០,០០០ ជើងរួចមកហើយ។ ទន្ទឹមនឹងនេះនាយកប្រតិបត្តិក្រុមហ៊ុនផលិតយន្ដហោះកំពុងធ្វើសក្ខីកម្មនៅចំពោះមុខគណៈរដ្ឋមន្រ្តីសហរដ្ឋអាមេរិកនៅថ្ងៃពុធជាកន្លែងដែលគាត់បាននិយាយថាក្រុមហ៊ុនបានធ្វើឱ្យមានកំហុសខ្លះទៅលើប្រព័ន្ធសុវត្ថិភាពសំខាន់ៗដែលគេស្គាល់ថា MCAS ។
ក្នុងការបដិសេធមិនចុះចេញពីតំណែងលោក Dennis Muilenburg បានសារភាពថា “ខ្ញុំទទួលខុសត្រូវលើរឿងនេះ។ គ្រោះថ្នាក់ទាំងពីរនេះបានកើតឡើងនៅលើនាឡិការបស់ខ្ញុំ។” រោះថ្នាក់ស្លាប់ចំនួន ២ លើកក្នុងរយៈពេលតិចជាង ៦ ខែពាក់ព័ន្ធនឹងយន្ដហោះថ្មី 737 MAX 8របស់ក្រុមហ៊ុនប៊ូអ៊ីង ធ្វើឲ្យភាពជឿជាក់របស់អ្នកផលិតស្ថិតក្នុងគ្រោះថ្នាក់ផងដែរ។ គ្រោះថ្នាក់របស់ក្រុមហ៊ុនអាកាសចរណ៍អេត្យូពី Ethiopian Airlines សម្លាប់មនុស្ស ១៥៧ នាក់កាលពីខែមីនា ហើយបន្ទាប់មកក៏មានគ្រោះថ្នាក់ស្រដៀងគ្នានៅឥណ្ឌូនេស៊ីដែលសម្លាប់មនុស្សអស់ចំនួន ១៨៩ នាក់នៅលើយន្តហោះកាលពីខែតុលាផងដែរ៕
ប្រភព RT ចុះផ្សាយថ្ងៃទី ៣១ ខែតុលា ឆ្នាំ ២០១៩
