រដ្ឋមន្រ្តីក្រសួងមហាផ្ទៃថ្មីរបស់ប្រទេសអ៊ីតាលីគឺលោកស្រី Luciana Lamorgese និយាយថាមិនមាន“ ការលុកលុយ” ចំពោះជនអន្តោប្រវេសន៍ទេ។ ការថ្លែងនេះគឺជាការប្រឆាំងនឹងសេចក្តីថ្លែងការណ៍របស់លោក Matteo Salvini។
លោកស្រី Lamorgese ប្រាប់កាសែត Repubblica នៅក្នុងបទសម្ភាសន៍មួយដែលចេញផ្សាយកាលពីថ្ងៃសុក្រថានៅឆ្នាំនេះជនចំណាកស្រុក និងជនស្វែងរកសិទ្ធិជ្រកកោនចំនួន ៩.៦០០ នាក់ទៅដល់ប្រទេសអ៊ីតាលីបើប្រៀបធៀបនឹងចំនួន ២២.០០០ នាក់នៅក្នុងឆ្នាំ ២០១៨ ។
AFP រាយការណ៍ថាលោកស្រី Lamorgese អាយុ ៦៦ ឆ្នាំបានធ្វើសេចក្តីថ្លែងការណ៍នេះបន្ទាប់ពីលោក Salvini និយាយអំពីការកើនឡើងចំនួន ៣ ដងនៃការមកដល់របស់ជនអន្តោប្រវេសន៍នៅក្នុងប្រទេសអ៊ីតាលី និងបានអំពាវនាវឲ្យបញ្ឈប់ការលុកលុយបែបនេះទៀត។
លោកស្រី Lamorgeseដែលបានកាន់តួនាទីរបស់នាងនៅក្នុងខែកញ្ញាបន្ទាប់ពីការបង្កើតរដ្ឋាភិបាលចម្រុះថ្មីរវាងចលនា Five Star Movement និងគណបក្សប្រជាធិបតេយ្យកណ្តាលឆ្វេងមានប្រសាសន៍ថា យើងមិនប្រឈមមុខនឹងការឈ្លានពានណាមួយទេ៕
ប្រភព RT ចុះផ្សាយថ្ងៃទី ១ ខែវិច្ឆិកា ឆ្នាំ ២០១៩
