ប៉ូលិសនៅក្នុងប្រទេសតួកគីឃាត់ខ្លួនបុរសម្នាក់ដែលត្រូវបានចោទប្រកាន់ពីបទជិះឡានក្រុងរបស់គាត់ចូលចំណតឡានក្រុងដែលមានមនុស្សច្រើននៅទីក្រុងអ៊ីស្តង់ប៊ុលហើយបន្ទាប់មកបានវាយប្រហារទៅលើអ្នកដែលព្យាយាមបញ្ឈប់គាត់ក្នុងការរត់គេចខ្លួនចេញពីកន្លែងកើតហេតុដែលបណ្តាលឱ្យមនុស្ស ១៣ នាក់រងរបួសនៅក្នុងហេតុការណ៍នេះ។
យោងតាមរបាយការណ៍ជនជាតិអ៊ីរ៉ង់ ៣ នាក់ និងក្មេង ២ នាក់ស្ថិតក្នុងចំណោមអ្នករងរបួស។ ជនសង្ស័យវ័យ ៣៣ ឆ្នាំរូបនេះក៏ចាក់បុរសម្នាក់ដែលប៉ុនប៉ងរារាំងគាត់មិនឲ្យរត់គេចខ្លួនផងដែរ។ វីដេអូដែលត្រូវបានថតបន្ទាប់ពីការវាយប្រហារនេះបង្ហាញពីបុគ្គលិកសង្គ្រោះបន្ទាន់ និងប៉ូលិសនៅចំណតឡានក្រុងផងដែរ។ មនុស្សជាច្រើនកំពុងអង្គុយនៅលើផ្លូវដើរថ្មើរជើង បើទោះបីជាវាមិនច្បាស់ថា តើពួកគេស្ថិតក្នុងចំណោមអ្នកដែលបានរងរបួសឬយ៉ាងណានោះ៕
ប្រភព RT ចុះផ្សាយថ្ងៃទី ៣ ខែវិច្ឆិកា ឆ្នាំ ២០១៩
