ប្រទេសអ៊ីរ៉ង់លុបចោលការទទួលស្គាល់ជាអធិការកិច្ចនៃអ្នកឃ្លាំមើលនុយក្លេអ៊ែររបស់អង្គការសហប្រជាជាតិ។ មន្ដ្រីអន្ដរជាតិរាយការណ៍ថាបានព្យាយាមដឹកសម្ភារៈដែលគួរឱ្យសង្ស័យនៅខាងក្នុងទីតាំងនុយក្លេអ៊ែរអ៊ីរ៉ង់មួយដែលនាងគ្រោងនឹងត្រួតពិនិត្យលើរឿងនេះ។
ទីភ្នាក់ងារត្រួតពិនិត្យនុយក្លេអ៊ែរជាតិរបស់អ៊ីរ៉ង់អោយដឹងថា អធិការកិច្ចស្ត្រីដែលធ្វើការអោយទីភ្នាក់ងារថាមពលអាតូមិកអន្តរជាតិ (IAEA) ត្រូវគេបដិសេធមិនអនុញ្ញាតអោយទៅមើលទីតាំងនុយក្លេអ៊ែរអ៊ីរ៉ង់ទេ បន្ទាប់ពីនាងត្រូវគេចាប់បាននៅពេលដែលព្យាយាមចូលក្នុងរោងចក្រចម្រាញ់សារធាតុអ៊ុយរ៉ាញ៉ូម Natanz ដែលផ្ទុកនូវសំភារៈដែលគួរអោយសង្ស័យនោះ។
ប្រព័ន្ធផ្សព្វផ្សាយអ៊ីរ៉ង់និយាយថាដោយគ្មានការចូលទៅកាន់ទីតាំងនានា បេសកកម្មរបស់នាងដើម្បីតាមដានកម្មវិធីនុយក្លេអ៊ែរអ៊ីរ៉ង់មិនអាចអនុវត្តបានទេ ដូច្នេះនាងបានចាកចេញពីប្រទេសនេះកាលពីថ្ងៃពុធ។ យោងតាមសារព័ត៌មានរ៉យទ័រ អធិការកិច្ចរូបនេះត្រូវឃុំខ្លួនមួយរយៈខ្លីបន្ទាប់ពីត្រូវបានបញ្ឈប់ពីការចូលទៅក្នុងកន្លែងនោះ ហើយឯកសារធ្វើដំណើររបស់នាងត្រូវរឹបអូសក្នុងរយៈពេលខ្លីមួយផងដែរ។
គេមិនទាន់ដឹងច្បាស់ថាតើអ្វីទៅដែលអធិការកិច្ចរូបនេះត្រូវគេចោទប្រកាន់ថាបានព្យាយាមនាំចូលទីតាំង Natanz នេះបើទោះបីជា ជនជាតិអ៊ីរ៉ង់និយាយថានាងត្រូវគេស្កេនហើយម៉ាស៊ីនត្រួតពិនិត្យសន្តិសុខជាមួយនឹងការលឺសម្លេងរោទិ៍ក៏ដោយ៕
ប្រភព RT ចុះផ្សាយថ្ងៃទី ៧ ខែវិច្ឆិកា ឆ្នាំ ២០១៩
