នៅថ្ងៃទី ៦ នៅភាគខាងកើត Burkina Faso ស្ថិតនៅខាងលិចប្រទេសអាហ្វ្រិក រថយន្តក្រុងដឹក បុគ្គលិកក្រុមហ៊ុនរ៉ែ Canada មួយ ត្រូវបានវាយប្រហារដោយកម្លាំងប្រដាប់អាវុធ ហើយបណ្តាលឲ្យ មនុស្សស្លាប់យ៉ាងតិចណាស់ ៣៧ នាក់ និង ៦០ នាក់ផ្សេងទៀតរងរបួស។ ទោះបីជាមិនមានសេចក្តី ថ្លែងការណ៍ព្រហ្មទណ្ឌណាមួយត្រូវបានចេញក៏ដោយ សន្តិសុខរបស់ប្រទេសនេះកាន់តែយ៉ាប់យ៉ឺន ដោយសារការវាយប្រហារជាបន្តបន្ទាប់ពីក្រុមជ្រុលនិយមអ៊ីស្លាម។
យោងតាមទីភ្នាក់ងារព័ត៌មាន AP រថយន្តក្រុងចំនួន ៥ គ្រឿង ដែលដឹកបុគ្គលិកក្នុងស្រុកត្រូវបាន វាយប្រហារនៅព្រឹកថ្ងៃទី ៦ ខណៈពេលដែលកំពុងបើកបរស្ថិតនៅចម្ងាយប្រហែល ៤០ គីឡូម៉ែត្រពី អណ្តូងរ៉ែដោយមានកងកម្លាំងយោធាអមការពារផងដែរនោះ។ ប្រធានាធិបតី Kabole បាននិយាយនៅ ថ្ងៃទី ៧ ថា “កងកម្លាំងសន្តិសុខនឹងចាប់ពួកភេរវករ និងអ្នកផ្សំគំនិតរបស់ពួកគេឲ្យបាន” ហើយបាន ប្តេជ្ញាថានឹងពង្រឹងវិធានការតបតវិញ។
នៅ Burkina Faso និងប្រទេសជិតខាង Mali ក្នុងប៉ុន្មានឆ្នាំថ្មីៗនេះ មានចលនាលេចធ្លោដែលត្រូវបាន ចង្អុលបង្ហាញថា មានទំនាក់ទំនងជាមួយពួកអាល់កៃដា និងក្រុមជ្រុលនិយមប្រទេសអ៊ីស្លាម (IS)។ ក្រុម IS បានចេញសេចក្តីថ្លែងការណ៍ឧក្រិដ្ឋកម្មនៅក្នុងឧប្បត្តិហេតុមួយអំពីមូលដ្ឋានកងទ័ពត្រូវបាន វាយប្រហារនៅភាគខាងកើតប្រទេស Mali កាលពីថ្ងៃទី ១ ក្នុងខែនេះ ហើយទាហានប្រហែល ៥០ នាក់ត្រូវបានសម្លាប់៕
ប្រភពព័ត៌មាន Asahi ថ្ងៃទី៨ ខែវិច្ឆិកា ឆ្នាំ២០១៩
