ការិយាល័យតំណាង UN មកពីអង់គ្លេស បារាំង និងអាល្លឺម៉ង់បាននិយាយកាលពីថ្ងៃទី ១៣ ថាកូរ៉េ ខាងជើងបានបាញ់បង្ហោះគ្រាប់មីស៊ីលម្តងហើយម្តងទៀតដែល (ជាការរំលោភសេចក្តីសម្រេចរបស់ UN ដែលធ្វើឱ្យប៉ះពាល់ដល់សន្តិសុខ និងស្ថេរភាពក្នុងតំបន់)។ យើងសូមថ្កោលទោសចំពោះ សកម្មភាពនេះ។
សេចក្តីថ្លែងការណ៍បានបញ្ជាក់ថា “កូរ៉េខាងជើងបានបាញ់មីស៊ីលផ្លោងចំនួន ១២ លើកចាប់តាំងពីខែ ឧសភាមក” ហើយបានកំណត់ថាគ្រាប់ទាំងអស់នោះគឺជាបាញ់បំផ្លោងគ្រាប់មីស៊ីលដែលរំលោភលើ សេចក្តីសម្រេចរបស់ UN។ លោកបានអំពាវនាវឱ្យមានការបញ្ឈប់ការអភិវឌ្ឍមីស៊ីលនុយក្លេអ៊ែរ និង គ្រាប់មីស៊ីល Ballistic ទាំងស្រុងដែលអាចផ្ទៀងផ្ទាត់បាន និងមិនអាចត្រឡប់មកវិញបាន។
នៅថ្ងៃដដែលក្រុមប្រឹក្សាសន្តិសុខអង្គការសហប្រជាជាតិ UN បានធ្វើការពិគ្រោះយោបល់ជាលក្ខណៈ ឯកជនជាមួយសមាជិកគណៈកម្មាធិការទណ្ឌកម្មកូរ៉េខាងជើងដើម្បីបញ្ជាក់ពីស្ថានភាពអនុវត្តន៍ ដំណោះស្រាយដាក់ទណ្ឌកម្មដើម្បីប្រឆាំងនឹងកូរ៉េខាងជើង។ ឯកអគ្គរដ្ឋទូតអាល្លឺម៉ង់លោក Hoisgen ជាប្រធានគណៈកម្មការ និងជាសមាជិកមិនអចិន្ត្រៃយ៍បានអានសេចក្តីថ្លែងការណ៍មួយបន្ទាប់ពី កិច្ចប្រជុំ។
អង់គ្លេស បារាំង និងអាឡឺម៉ង់ក៏បានចង្អុលបង្ហាញពីរដ្ឋជាសមាជិកអង្គការសហប្រជាជាតិមានកាតព្វ កិច្ចធ្វើមាតុភូមិនិវត្តន៍នៅថ្ងៃទី ២២ ខែធ្នូ ក្នុងសេចក្តីសម្រេចរបស់ក្រុមប្រឹក្សាសន្តិសុខ និងជំរុញឱ្យ សហគមន៍អន្តរជាតិគោរពតាមដំណោះស្រាយនោះ។
នេះជាលើកទី ៤ ហើយចាប់តាំងពីខែសីហា មកដែលអង់គ្លេស បារាំង និងអាល្លឺម៉ង់បានចេញសេចក្តី ថ្លែងការណ៍រួមគ្នាថ្កោលទោសកូរ៉េខាងជើង។ អាមេរិករដ្ឋបាលលោក Trump មានអាកប្បកិរិយា សុខដុមរមនាចំពោះកូរ៉េខាងជើង និងមិនដែលចូលរួមម្តងណាទេ៕
ប្រភពព័ត៌មាន Asahi ថ្ងៃទី១៤ ខែវិច្ឆិកា ឆ្នាំ២០១៩
