រដ្ឋមន្រ្តីក្រសួងការបរទេសគុយវ៉ែតតែងតាំងនាយករដ្ឋមន្រ្តីថ្មី

មេដឹកនាំប្រទេសគុយវ៉ែតកាលពីថ្ងៃអង្គារនេះសម្រេចតែងតាំងលោក Sheikh Sabah al-Khalid al-Sabah ជានាយករដ្ឋមន្រ្តីថ្មី ចាកចេញពីតួនាទីជារដ្ឋមន្ត្រីការបរទេស។ ការផ្លាស់ប្តូរនេះកើតឡើងបន្ទាប់ពីមានជម្លោះរវាងសមាជិកគ្រួសារដែលកំពុងកាន់អំណាច និងសភាជាច្រើនរូប។

ទីភ្នាក់ងារសារព័ត៌មានរ៉យទ័រនិយាយថាដំបូងឡើយ លោក Emir Sheikh Sabah al-Ahmad al-Sabah ជ្រើសរើសនាយករដ្ឋមន្រ្តីស្តីទីលោក Sheikh Jaber al-Mubarak al-Sabah ដើម្បីបង្កើតគណៈរដ្ឋមន្រ្តីថ្មីមួយប៉ុន្តែគាត់បដិសេធការផ្តល់ជូននេះកាលពីថ្ងៃច័ន្ទ។

ការលាលែងពីការកាន់កាប់អំណាចរបស់រដ្ឋាភិបាលធ្វើឡើងបន្ទាប់ពីសមាជិកសភាជាច្រើនស្វែងរកការបោះឆ្នោតដែលគ្មានទំនុកចិត្តប្រឆាំងនឹងរដ្ឋមន្រ្តីក្រសួងមហាផ្ទៃ និងជម្លោះរវាងមន្ត្រីជាន់ខ្ពស់ជាច្រើនរួមទាំងរដ្ឋមន្រ្តីក្រសួងមហាផ្ទៃ និងក្រសួងការពារជាតិជាច្រើនទៀតជុំវិញការចោទប្រកាន់ថាប្រើប្រាស់ថវិកាសាធារណៈមិនត្រឹមត្រូវនោះ៕

ប្រភព RT ចុះផ្សាយថ្ងៃទី ១៩ ខែវិច្ឆិកា ឆ្នាំ ២០១៩