ស្ថានីយ៍ប៉ូលិសមួយនៅក្នុងប្រទេសឥណ្ឌាឈានចូលទៅក្នុងភាពចម្រូងចម្រាសបន្ទាប់ពីខ្លួនប្រាប់មន្រ្តីមូស្លីមមួយចំនួនរបស់ខ្លួនឱ្យកោរពុកមាត់ចង្ការបស់ពួកគេដែលបង្កឱ្យមានកំហឹងក្នុងចំណោមសហគមន៍មូស្លីមក្នុងតំបន់នេះ។
ប៉ូលិសនៅក្នុងទីក្រុង Alwar ដែលមានចំងាយប្រហែល ១៥០ គីឡូម៉ែត្រពីទីក្រុងញូវដែលីចេញបទបញ្ជាកោរពុកមាត់ចង្ការដែលត្រូវដកហូតវិញកាលពីថ្ងៃព្រហស្បតិ៍។ ស្នងការប៉ូលិស Anil Paris Deshmukh ប្រាប់អ្នកកាសែតថាដំបូងមន្រ្តីមូស្លីម ៣២ នាក់ត្រូវផ្តល់ការអនុញ្ញាតអោយបណ្តុះទុកពុកមាត់ចង្ការ ប៉ុន្តែក្រោយមកពួកគេ ៩ នាក់ត្រូវដកហូតសិទ្ធិក្នុងការរក្សានូវ“ ពុកមាត់ចង្ការ” នេះ។
ការសម្រេចចិត្តនេះបង្កឱ្យមានប្រតិកម្មយ៉ាងឆាប់រហ័សពីសហគមន៍មូស្លីមក្នុងតំបន់នេះ។ លោក Sher Mohammed មេដឹកនាំក្រុមមូស្លីមរបស់ Alwar ប្រាប់កាសែត Times of India ថាការណែនាំក្នុងការកោរពុកមាត់ចង្ការគឺគួរអោយស្អប់ខ្ពើមណាស់ ហើយអំពាវនាវអោយប៉ូលិសបោះបង់ចោល“ ការណែនាំខុសឆ្គង” ពីព្រោះវាមិនគោរពប្រពៃណីសាសនា។
នាយកដ្ឋានប៉ូលិសនៅក្នុងប្រទេសឥណ្ឌាអាចអនុញ្ញាតឱ្យមន្រ្តីប៉ូលិសបណ្តុះពុកមាត់ចង្ការបានសម្រាប់ហេតុផលសាសនា។ បញ្ហានេះនាំឱ្យមានភាពចម្រូងចម្រាសនាពេលកន្លងមក។ នៅឆ្នាំ ២០១៦ មន្រ្តីមូស្លីមម្នាក់ត្រូវគេអនុញ្ញាតអោយមិនកោរពុកមាត់ ប៉ុន្តែការស្នើសុំរក្សាពុកចង្ការជាអចិន្ត្រៃយ៍ក៏ត្រូវបដិសេធផងដែរ។ ក្រោយមកគាត់ដាក់ពាក្យបណ្តឹងទៅតុលាការដោយលើកហេតុផលថានេះរំលោភសិទ្ធិរដ្ឋធម្មនុញ្ញរបស់គាត់៕
ប្រភព RT ចុះផ្សាយថ្ងៃទី ២៣ ខែវិច្ឆិកា ឆ្នាំ ២០១៩
