តុលាការកំពូលរបស់ប្រទេសប៉ាគីស្ថានចាត់វិធានការដំបូងឆ្ពោះទៅរកការហាមឃាត់មេបញ្ជាការកងទ័ពដ៏មានឥទ្ធិពលពីការកាន់អំណាចរយៈពេលបីឆ្នាំទៀត។ ការផ្លាស់ប្តូរនេះត្រូវគេមើលឃើញថាជាការប៉ះទង្គិចដល់នាយករដ្ឋមន្រ្តី Imran Khan ដែលនិយាយនៅរដូវក្តៅនេះថា លោកត្រូវការឧត្តមសេនីយ៍ Qamar Javed Bajwa អោយរក្សានូវមុខតំណែងរបស់ខ្លួនវិញពីព្រោះខ្លួនមានការព្រួយបារម្ភអំពីសន្តិសុខដែលកំពុងបន្តកើតមាននេះ។
បញ្ហាទាំងនោះរួមមានភាពតានតឹងជាមួយឥណ្ឌាជុំវិញតំបន់ជម្លោះកាស្មៀរដែលប្រទេសទាំងពីរគ្រប់គ្រងដោយផ្នែកតែទាមទារជារួម។ បទបញ្ជាបណ្តោះអាសន្នដែលចេញដោយតុលាការនៅថ្ងៃអង្គារនេះដើម្បីពន្យារពេលការបន្តអាណត្តិរបស់លោក Bajwa ជាបណ្តោះអាសន្ន ហើយតុលាការនឹងបើកសវនាការរឿងនេះម្តងទៀតនៅថ្ងៃបន្ទាប់។ មេបញ្ជាការកងទ័ពគ្រោងនឹងចូលនិវត្តន៍នៅថ្ងៃព្រហស្បតិ៍នេះ។ គាត់នឹងត្រូវបង្ខំឱ្យចុះចេញពីតំណែងប្រសិនបើតុលាការបដិសេធការបញ្ជាអោយបន្តការងារទៀតពីរដ្ឋាភិបាលនោះ។ យោធារបស់ប្រទេសប៉ាគីស្ថានត្រូវចោទប្រកាន់ផងដែរដោយការប៉ុនប៉ងដើរតួនាទីយ៉ាងសំខាន់នៅក្នុងនយោបាយរបស់ប្រទេសនេះ៕
ប្រភព RT ចុះផ្សាយថ្ងៃទី ២៦ ខែវិច្ឆិកា ឆ្នាំ ២០១៩
