រដ្ឋាភិបាលស្លូវេនីអនុម័តច្បាប់មួយកាលពីថ្ងៃអង្គារដែលនឹងហាមឃាត់ក្រុមយោធាប៉ារ៉ាបន្ទាប់ពីក្រុមមួយដែលដឹកនាំដោយអ្នកនយោបាយជាតិនិយមចាប់ផ្តើមធ្វើការល្បាតតាមព្រំដែននៅក្នុងព្រៃជាច្រើនក្នុងប៉ុន្មានខែថ្មីៗនេះ។ រដ្ឋាភិបាលនិយាយនៅក្នុងសេចក្តីថ្លែងការណ៍មួយថា “ការការពារព្រំដែនរដ្ឋគឺជាការទទួលខុសត្រូវផ្តាច់មុខរបស់ប៉ូលិស” ដោយបន្ថែមថាក្រុមប្រដាប់អាវុធកំពុងតែរារាំងការងាររបស់ប៉ូលិស និងបង្កឱ្យមានការព្រួយបារម្ភ និងការភ័យខ្លាចផងដែរ។
កាលពីពីរសប្តាហ៍មុននេះ ក្រុមមនុស្សជាង ៥០ នាក់ដែលស្លៀកពាក់ឯកសណ្ឋាន និងប្រដាប់ដោយកាំភ្លើងវែងដើរល្បាតនៅតាមតំបន់ព្រំដែនរវាងស្លូវេនៀ និងក្រូអាតដែលពួកគេនិយាយថា ការធ្វើចំណាកស្រុកខុសច្បាប់គឺមានច្រើនណាស់។ លោក Andrej Sisko ប្រធានគណបក្សជាតិនិយម Gibanje Zedinjena Slovenija និយាយថាអាជ្ញាធរបរាជ័យក្នុងការការពារប្រទេសស្លូវេនៀប្រឆាំងនឹងអ្វីដែលលោកឃើញថាជាការគំរាមកំហែងជនចំណាកស្រុកនោះ។ ក្រោមច្បាប់ដែលត្រូវអនុម័តដោយគណៈរដ្ឋមន្រ្តីហើយឥឡូវនេះត្រូវអនុម័តដោយសភានៅក្នុងប៉ុន្មានខែខាងមុខនេះ ជនស៊ីវិលជាច្រើននឹងត្រូវហាមឃាត់មិនឱ្យធ្វើការល្បាតតំបន់ព្រំដែនទៀតទេ៕
ប្រភព RT ចុះផ្សាយថ្ងៃទី ២៦ ខែវិច្ឆិកា ឆ្នាំ ២០១៩
