ប្រទេសបារាំងត្រៀមខ្លួនរួចជាស្រេចសម្រាប់ការធ្វើកូដកម្មដឹកជញ្ជូនទូទាំងប្រទេសយ៉ាងខ្លាំងប្រឆាំងនឹងផែនការរបស់រដ្ឋាភិបាលក្នុងការកែទម្រង់ប្រព័ន្ធប្រាក់សោធនរបស់រដ្ឋ។ ការធ្វើកូដកម្មនេះនឹងធ្វើឱ្យរំខានដល់រថភ្លើង រថយន្តក្រុង និងសេវាកម្មអាកាសចរណ៍ជាច្រើនថែមទៀត។
នៅទីក្រុងប៉ារីស សហជីពកម្មករគ្រោងនឹងហែក្បួននៅថ្ងៃព្រហស្បតិ៍នេះ។ ប៉ូលិសព្រមាននៅថ្ងៃពុធនេះអំពីអំពើហឹង្សា និងការខូចខាតដែលអាចកើតមាន ហើយបញ្ជាឱ្យអាជីវកម្មហាងកាហ្វេ និងភោជនីយដ្ឋានទាំងអស់បិទផ្លូវផងដែរ។ អាជ្ញាធរក៏បានចេញការហាមឃាត់មិនឲ្យមានការតវ៉ានៅវិមានChamps-Elysees និងនៅជុំវិញវិមានប្រធានាធិបតីសភា និងវិហារ Notre Dame ផងដែរ។
ក្រុមហ៊ុនផ្លូវដែក SNCF រំពឹងថារថភ្លើងចំនួន ៩ ក្នុងចំណោម ១០ ដែលជារថយន្តល្បឿនលឿននឹងត្រូវលុបចោល។ ខ្សែរថភ្លើងអន្តរជាតិនឹងរងផលប៉ះពាល់ផងដែរ។ ក្រុមហ៊ុនអាកាសចរណ៍ Air France ព្រមានថាប្រហែល ៣០ ភាគរយនៃជើងហោះហើរក្នុងស្រុករបស់ខ្លួននឹងត្រូវលុបចោលផងដែរ៕
ប្រភព RT ចុះផ្សាយថ្ងៃទី ៤ ខែធ្នូ ឆ្នាំ ២០១៩
