ភ្នាក់ងារព័ត៌មានដកស្រង់សម្តីយោធាអ៊ីរ៉ាក់ថា មានការបាញ់កាំភ្លើងធំចំនួន ២គ្រាប់វាយប្រហារលើមូលដ្ឋានទ័ពអាកាសបាឡាដនៅភាគខាងជើងទីក្រុងបាកដាដ។ ហេតុការណ៍នេះកើតឡើងនៅថ្ងៃព្រហស្បតិ៍ ដែលមិនបណ្តាលឱ្យមានអ្នកស្លាប់ និងរបួសទេ។ មូលដ្ឋានបា
ឡាដស្ថិតនៅចម្ងាយប្រមាណ ៨០គីឡូម៉ែត្រនៅខាងជើងទីក្រុងបាកដាដ។ ក្រៅពីកងកម្លាំងសន្តិសុខអ៊ីរ៉ាក់ឈរជើង នៅទីនោះក៏ជាផ្ទះរបស់ទាហានអាមេរិក និងអ្នកម៉ៅការមួយចំនួន ប្រយុទ្ធប្រឆាំងនឹងក្រុមភេរវកររដ្ឋអ៊ីស្លាម (IS អតីត ISIS ធ្លាប់គ្រប់គ្រងផ្នែកធំៗ របស់ប្រទេសអ៊ីរ៉ាក់ និងស៊ីរី)។ ការវាយប្រហារនោះកើតឡើងនៅរយៈពេលពីរថ្ងៃក្រោយពីគ្រាប់រ៉ុក្កែតចំនូន៥គ្រាប់វាយប្រហារទៅលើមូលដ្ឋានទ័ពអ៊ីរ៉ាក់ដែលជាមូលដ្ឋានរបស់កងទ័ពអាមេរិក។ ការវាយប្រហារទៅលើមូលដ្ឋានអាកាសអាល់អាសាដក្នុងខេត្តអានបារមិនបណ្តាលឱ្យមានមនុស្សស្លាប់ និងរបួសទេ៕
ប្រភពព័ត៌មានRT ផ្សាយថ្ងៃទី៥ ខែធ្នូ ឆ្នាំ២០១៩
