ក្រុមអ្នកកាន់ទុក្ខដ៏ច្រើនកុះករប្រមូលផ្តុំគ្នាដើម្បីដង្ហែរក្បួនលាគ្នាឧទ្ទិសជូនដល់មេបញ្ជាការកងកំលាំង Quds ឧត្តមសេនីយ៍ទោ Qassem Soleimani ដែលត្រូវសម្លាប់នៅក្នុងការវាយប្រហារដោយយន្តហោះគ្មានមនុស្សបើករបស់អាមេរិកនៅអ៊ីរ៉ាក់កាលពីដើមសប្តាហ៍នេះ។
ក្បួនដង្ហែដ៏ឧឡារិកចាប់ផ្តើមនៅម៉ោង ៧ ព្រឹកនៅឯទីលាន Rumi ក្នុង Ahvaz ដែលជារដ្ឋធានីនៃខេត្ត Khuzestan ភាគខាងលិចប្រទេសអ៊ីរ៉ង់ដែលមានព្រំប្រទល់ជាប់អ៊ីរ៉ាក់។ អ្នកកាន់ទុក្ខស្បែកខ្មៅរាប់រយរាប់ពាន់នាក់នាំគ្នាដើរពេញផ្លូវ និងស្ពាននៅលើដងទន្លេ Karun River ដើម្បីគោរពវិញ្ញាណក្ខន្ធចុងក្រោយចំពោះនាយឧត្តមសេនីយ៍រូបនេះ។
មនុស្សជាច្រើនកំពុងកាន់រូបថតរបស់លោក Soleimani ដែលប្រព័ន្ធផ្សព្វផ្សាយអ៊ីរ៉ង់ដាក់ឈ្មោះថា “មេបញ្ជាការក្នុងដួងចិត្ត”។ អដ្ឋិធាតុរបស់លោក Soleimani រួមជាមួយមន្រ្តីអ៊ីរ៉ង់ជាច្រើននាក់ទៀតដែលត្រូវសម្លាប់នៅក្នុងការវាយប្រហារដោយយន្តហោះគ្មានមនុស្សបើករបស់អាមេរិកនៅព្រឹកថ្ងៃសុក្របានទៅដល់ទីក្រុង Ahvaz ពីប្រទេសអ៊ីរ៉ាក់ជាកន្លែងដែលការធ្វើដូចគ្នានេះបានកើតឡើងនៅទីក្រុងបាកដាដ និងកាបាឡាដែលជាផ្ទះរបស់កន្លែងសក្ការៈបូជា Shia ផងដែរ។
យោងតាមទីភ្នាក់ងារសារព័ត៌មាន Mehr News Agency លោក Soleimaniត្រូវគេគោរពជាពិសេសនៅ Khuzestan ពីព្រោះក្នុងនាមជាយុវជនម្នាក់គាត់ចូលរួមក្នុងការការពារតំបន់ពីការលុកលុយរបស់អ៊ីរ៉ាក់នៅដើមដំបូងនៃសង្គ្រាមអ៊ីរ៉ង់ – អ៊ីរ៉ាក់ (១៩៨០-១៩៨៨) ។ក្បួនដង្ហែលាគ្នាស្រដៀងគ្នានេះត្រូវគេរៀបចំធ្វើនៅក្នុងទីក្រុងមួយចំនួនទៀតរួមទាំងក្រុងតេអេរ៉ង់ផងដែរមុនពេលពិធីបុណ្យសពរបស់ Soleimani ធ្វើឡើងនៅឯស្រុកកំណើត Kerman របស់គាត់នៅថ្ងៃអង្គារនេះ។
លោក Soleimaniដែលដឹកនាំកងកម្លាំង Quds Force – អ៊ីរ៉ង់មានភារកិច្ចធ្វើប្រតិបត្តិការនៅក្រៅប្រទេសអស់រយៈពេលជាង ២០ ឆ្នាំត្រូវសម្លាប់ដោយយន្តហោះគ្មានមនុស្សបើករបស់អាមេរិកភ្លាមៗបន្ទាប់ពីចាកចេញពីអាកាសយានដ្ឋានទីក្រុងបាដាដកាលពីព្រឹកថ្ងៃសុក្រនេះ។
លោក Abu Mahdi al-Muhandis អនុប្រធាននៃកងជីវពល Shia របស់ Popular Mobilization Forces (PMF)ដែលគាំទ្រដោយអ៊ីរ៉ង់ក៏ស្លាប់នៅក្បែរលោក Soleimani។ អដ្ឋិធាតុរបស់លោក al-Muhandis ដែលជាពលរដ្ឋអ៊ីរ៉ង់ក៏ត្រូវគេដឹកទៅកាន់ប្រទេសអ៊ីរ៉ង់ដែរកាលពីថ្ងៃអាទិត្យនេះ៕
ប្រភព RT ចុះផ្សាយថ្ងៃទី ៥ ខែមករា ឆ្នាំ ២០២០
