ប្រទេសអាល្លឺម៉ង់នឹងដកកងទ័ពរបស់ខ្លួនចេញពីប្រទេសអ៊ីរ៉ាក់បន្ទាប់ពីមានសេចក្តីសម្រេចរបស់សភាអ៊ីរ៉ាក់ដែលអំពាវនាវឱ្យកងកម្លាំងយោធាបរទេសទាំងអស់ចាកចេញពីប្រទេសនេះ។ កងទ័ពអាល្លឺម៉ង់តូចៗមួយចំនួននៅអ៊ីរ៉ាក់នឹងត្រូវផ្លាស់ទៅប្រទេសហ្សកដានី និងគុយវែតដែលនៅជិតខាង។ រដ្ឋមន្រ្តីក្រសួងការពារជាតិអាល្លឺម៉ង់ លោកស្រី Annegret Kramp-Karrenbauer និងរដ្ឋមន្រ្តីក្រសួងការបរទេស Heiko Maas សរសេរទៅកាន់សមាជិកសភាថាកងទ័ពដែលឈរជើងនៅ Baghdad និង Taji នឹងត្រូវកាត់បន្ថយជាបណ្តោះអាសន្ន។
ទាហានអាល្លឺម៉ង់ចំនួន ៣០ នាក់ក្នុងចំណោមទាហានប្រមាណ ១២០ នាក់ត្រូវកំណត់ឱ្យធ្វើការងារថ្មី។ រដ្ឋាភិបាលអាល្លឺម៉ង់និយាយថាពួកគេអាចនឹងត្រូវផ្លាស់ប្តូរទីលំនៅប្រសិនបើបេសកកម្មបណ្តុះបណ្តាលរបស់ពួកគេបន្ត។ការផ្លាស់ប្តូរនេះកើតឡើងមួយថ្ងៃបន្ទាប់ពីអធិការបតីអាល្លឺម៉ង់លោកស្រី Angela Merkel និយាយជាមួយនាយករដ្ឋមន្រ្តីអ៊ីរ៉ាក់លោក Adel Abdul Mahdi អំពីបញ្ហានេះ។ លោកស្រី Merkelសង្កត់ធ្ងន់ពីសារសំខាន់នៃការបន្តកិច្ចសហប្រតិបត្តិការរវាងអ៊ីរ៉ាក់ និងសហភាពអឺរ៉ុបក្នុងការប្រយុទ្ធប្រឆាំងនឹងអំពើភេរវកម្មផងដែរ៕
ប្រភព RT ចុះផ្សាយថ្ងៃទី ៧ ខែមករា ឆ្នាំ ២០២០
