អ៊ីរ៉ង់និយាយថា ទោះបីមានការកាត់កិច្ចព្រមព្រៀងជាមួយក្រុមតាលីបានក៏ដោយ ក៏សហរដ្ឋអាមេរិកគ្មានសិទ្ធិក្នុងការសម្រេចអនាគតរបស់ប្រទេសអាហ្វហ្គានីស្ថាន ហើយអ៊ីរ៉ង់បន្ថែមទៀតថា កិច្ចពិភាក្សាសន្តិភាពរវាងប្រទេសអាហ្វហ្គានីស្ថានគួរត្រូវបានត្រួតពិនិត្យដោយអង្គការសហប្រជាជាតិមិនមែនទីក្រុងវ៉ាស៊ីនតោននោះទេ។
រដ្ឋមន្រ្តីក្រសួងការបរទេសអ៊ីរ៉ង់មានប្រសាសន៍នៅថ្ងៃអាទិត្យនេះថា ទីក្រុង Tehran ចាត់ទុកសកម្មភាពរបស់ទីក្រុងវ៉ាស៊ីនតោនថា ជាការប៉ុនប៉ងមួយដើម្បីបង្កើតឱ្យមានវត្តមានរបស់កងទ័ពនៅក្នុងប្រទេសអាហ្វហ្គានីស្ថាន។ អ៊ីរ៉ង់សង្កត់ធ្ងន់ថា ដំណោះស្រាយសន្តិភាពយូរអង្វែងអាចសម្រេចបានតែតាមរយៈការសន្ទនារវាងក្រុមនយោបាយអាហ្វហ្គានីស្ថានទាំងអស់រួមទាំងជាមួយក្រុមតាលីបាន។
កិច្ចព្រមព្រៀងរវាងសហរដ្ឋអាមេរិក និងក្រុមតាលីបានចុះហត្ថលេខានៅថ្ងៃសៅរ៍បង្កើតក្របខ័ណ្ឌសម្រាប់កិច្ចពិភាក្សានាពេលអនាគតរវាងក្រុមតាលីបាន និងរដ្ឋាភិបាលដែលគាំទ្រដោយសហរដ្ឋអាមេរិកនៅក្នុងទីក្រុងកាប៊ុល។ ទីក្រុងវ៉ាស៊ីនតោនសន្យាថានឹងធ្វើការបង្រួបបង្រួមគ្នា ហើយក្រោយមកដកកងទ័ពចម្រុះទាំងអស់ចេញក្នុងរយៈពេល១៤ខែដោយផ្តល់ការចរចារដូចការគ្រោងទុក និងក្រុមសកម្មប្រយុទ្ធបានបំពេញការប្តេជ្ញាចិត្តរបស់ពួកគេ៕
ប្រភពព័ត៌មានRT ផ្សាយថ្ងៃទី០១ ខែមីនា ឆ្នាំ២០២០
