កាសែតរដ្ឋ Beijing Daily រាយការណ៍នៅថ្ងៃអង្គារនេះថាទីក្រុងរដ្ឋធានីរបស់ប្រទេសចិនបានបង្កើនវិធានការណ៍ដើម្បីស្វែងរកអ្នកដែលផ្ទុកវីរុសកូរ៉ូណាដោយញែកអ្នកដំណើរទាំងអស់ដែលធ្វើដំណើរមកពីប្រទេសផ្សេងៗ និងធ្វើតេស្តរកមើលវីរុសដ៍សាហាវនេះ។ ចាប់ផ្តើមពីថ្ងៃទី ២៥ ខែមីនានេះ អាជ្ញាធរសុខាភិបាលក្រុងប៉េកាំងនឹងតម្រូវឱ្យអ្នកណាម្នាក់ធ្វើដំណើរទៅកាន់រដ្ឋធានីដែលចូលមកពីក្រៅប្រទេសត្រូវដាក់ដាច់ដោយឡែកតំបន់ដាច់ស្រយាល និងឆ្លងកាត់ការធ្វើតេស្ត RNA សម្រាប់វីរុសនេះ ហើយនេះគឺជាផ្នែកមួយនៃវិធានការណ៍ទប់ស្កាត់ដែលត្រូវបានអនុម័តនៅពេលដែលមេរោគ Covid-19 កំពុងតែផ្ទុះឡើងនៅទូទាំងទ្វីបអ៊ឺរ៉ុប អាមេរិក និងកន្លែងផ្សេងទៀតនៅអាស៊ីនោះ។
អង្គភាពផ្លូវការនៃគណបក្សកុម្មុយនីស្តរបស់ទីក្រុងនេះនិយាយថាអ្នកដែលបានមកដល់ប្រទេសចិនក្នុងរយៈពេល ១៤ ថ្ងៃកន្លងមកនេះក៏នឹងត្រូវរងនូវភាពឯកោ និងការធ្វើតេស្តផងដែរ។ទោះបីជាប្រទេសចិនទំនងជាបានឃើញនូវការផ្ទុះឡើងនូវវីរុសកូរ៉ូណាដ៏អាក្រក់បំផុតរបស់ខ្លួនដែលមានដើមកំណើតនៅទីក្រុងវូហានកាលពីចុងឆ្នាំមុនក៏ដោយក៏ជំងឺនេះបានកើតមាននៅក្នុងមជ្ឈមណ្ឌលសំខាន់ៗជាច្រើននៅខាងក្រៅប្រទេសក្នុងនោះរួមមាននៅប្រទេសអ៊ីតាលី អេស្ប៉ាញ កូរ៉េខាងត្បូង និងសហរដ្ឋអាមេរិក។ ។ ទោះយ៉ាងណាដោយសារវីរុសនេះមានការថយចុះនៅក្នុងប្រទេសចិន ពេលនេះមន្រ្តីជាច្រើនរូបកំពុងធ្វើការដើម្បីបន្ថយការរីករាលដាលនៃករណីថ្មីដែលនាំមកពីបរទេសផងដែរ៕
ប្រភព RT ចុះផ្សាយថ្ងៃទី២៤ ខែមីនា ឆ្នាំ ២០២០
