ប្រទេសហុងគ្រីនឹងធ្វើការបិទទ្វារប្រទេសរយៈពេលពីរសប្តាហ៍ដើម្បីកាត់បន្ថយការរីករាលដាលនៃជំងឺរាតត្បាតកូរ៉ូណាវីរុស។ នាយករដ្ឋមន្រ្តីលោក Viktor Orban និយាយកាលពីថ្ងៃសុក្រថា វាត្រូវគេរំពឹងថាការឆ្លងមេរោគនេះនឹងឡើងដល់ចំណុចកំពូលនៅក្នុងប្រទេសនេះនៅខែមិថុនា ឬខែកក្កដាខាងមុខនេះ។ ប្រជាជននឹងត្រូវបានអនុញ្ញាតឱ្យទៅធ្វើការ ដើរទិញឥវ៉ាន់ និងធ្វើលំហាត់ប្រាណមានពេលវេលាកំណត់នៅខាងក្រៅកំឡុងពេលនៃការបិទទ្វារនេះដែលនឹងចាប់ផ្តើមនៅថ្ងៃសៅរ៍។ ទោះយ៉ាងណាក៏ដោយ ពួកគេគួរតែរក្សាគម្លាតដែលមានចម្ងាយឆ្ងាយពីគ្នាផងដែរ។ លោកបន្ថែមថា ការរឹតបន្តឹងនឹងត្រូវអនុវត្តដោយប៉ូលិស។ទីភ្នាក់ងារសារព័ត៌មានរ៉យទ័ររាយការណ៍ថា ប្រទេសហុងគ្រីមានអត្រានៃការឆ្លងវីរុសកូរ៉ូណានេះចំនួន ៣០០ ករណីនិងមានមនុស្សស្លាប់ ១០ នាក់។ លោក Orban និយាយថាចំនួនករណីជាក់ស្តែងប្រហែលជាខ្ពស់ជាងនេះទៀត។ លោកនាយករដ្ឋមន្រ្តីមានប្រសាសន៍ថា“ ការរឹតត្បិតដែលបានអនុវត្តកន្លងមកមានប្រសិទ្ធិភាពហើយ” ។ ប្រជាជនហុងគ្រីបានកាត់បន្ថយការទំនាក់ទំនងសង្គម ប៉ុន្តែក្រោយមកវាក៏មានការស្ទុះឡើងវិញ ដូច្នេះយើងត្រូវតែដាក់ការររឹតបន្តឹងសម្រាប់រឿងនេះ”។រដ្ឋាភិបាលនៅទីក្រុងប៊ុយដាប៉ែសជំរុញឱ្យមានការពង្រីកដោយបើកចំហរនៃភាពអាសន្នដែលនឹងផ្តល់សិទ្ធិឱ្យផុតពីសភាផងដែរ។ សមាជិកសភាជាច្រើនរូបនឹងត្រូវបោះឆ្នោតលើវិធានការណ៍នៅសប្តាហ៍ក្រោយនេះ។ អាជ្ញាធរ និងធនាគារកណ្តាក៏ចាត់វិធានការដើម្បីជំរុញកំណើនសេដ្ឋកិច្ចផងដែរ។ រដ្ឋាភិបាលនឹងបង្ហាញផែនការសកម្មភាពសម្រាប់សេដ្ឋកិច្ចនៅក្នុងប្រទេសនេះនៅសប្តាហ៍ទី ១ ឬទី ២ នៃខែមេសាខាងមុខនេះ៕
ប្រភព RT ចុះផ្សាយថ្ងៃទី ២៧ ខែមីនា ឆ្នាំ ២០២០
