អ្នកនាំពាក្យក្រុមអ៊ីស្លាមនិយមនិយាយថា នៅថ្ងៃអង្គារក្រុមតាលីបង់រំលឹកថា អ្នកចរចារបស់ពួកគេនៅប្រទេសអាហ្វហ្គានីស្ថានបានផ្អាកកិច្ចចរចាស្តីពីដំណើរការផ្លាស់ប្តូរអ្នកទោសជាមួយរដ្ឋាភិបាលអាហ្វហ្គានីស្ថាន។ភ្នាក់ងារសារព័ត៌មានរាយការណ៍ថា លោកSuhail Shaheen អ្នកនាំពាក្យការិយាល័យនយោបាយរបស់ក្រុមតាលីបង់នៅប្រទេសកាតាបានលើកឡើងពីការពន្យារពេលដោយចេតនាក្នុងការដោះលែងអ្នកទោស។ លោកមានប្រសាសន៍ថា នេះជាការបំពានលើកិច្ចព្រមព្រៀងសន្តិភាពជាមួយសហរដ្ឋអាមេរិក។ លោកបន្ថែមថា ក្រុមឧទ្ទាមកំពុងហៅក្រុមបច្ចេកទេសពីទីក្រុងកាប៊ុលមកវិញ។សហរដ្ឋអាមេរិក និងក្រុមតាលីបង់បានចុះហត្ថលេខាលើកិច្ចព្រមព្រៀងមួយនៅខែកុម្ភៈដោយកងកម្លាំងអន្តរជាតិដឹកនាំដោយសហរដ្ឋអាមេរិកនឹងដកទ័ពជាបន្តបន្ទាប់ជាថ្នូរនឹងការធានាសន្តិសុខរបស់ក្រុមតាលីបង់។ ការផ្អាកការចរចារបស់ក្រុមតាលីបង់អាចនាំឱ្យមានការកើនឡើងនៃអំពើហិង្សា ហើយជាលទ្ធផលវាអាចគំរាមកំហែងដល់ផែនការដកកងទ័ពរបស់សហរដ្ឋអាមេរិក។នៅថ្ងៃអង្គារ រដ្ឋមន្រ្តីក្រសួងការបរទេសសហរដ្ឋអាមេរិកលោក Mike Pompeo មានប្រសាសន៍ថា ដំណើរការធ្វើឡើងចាប់តាំងពីលោកបានធ្វើទស្សនកិច្ចនៅទីក្រុងកាប៊ុលនៅថ្ងៃទី២៣ ខែមីនា ដើម្បីរំលឹកដល់ប្រធានាធិបតីអាហ្វហ្គានីស្ថានលោក Ashraf Ghani និងអតីតនាយកប្រតិបត្តិលោក Abdullah Abdullah ឱ្យបញ្ចប់ជម្លោះពីលទ្ធផលនៃការបោះឆ្នោតនៅខែកញ្ញា៕
ប្រភពព័ត៌មានRT ផ្សព្វផ្សាយថ្ងៃទី៧ ខែមេសា ឆ្នាំ២០២០
