អាជ្ញាធរសុខាភិបាលចិនអំពាវនាវឱ្យមានការធ្វើតេស្តកាន់តែខ្លាំងក្លា និងតឹងរឹងច្រើនជាងមុនដើម្បីធានាថាមេរោគឆ្លងថ្មីមិនគេចផុតពីការរកឃើញនោះ។ គណៈកម្មាធិការសុខភាពជាតិដកស្រង់សម្តីរបស់លោក Ma Xiaowei នាយកប្រចាំតំបន់អោយដឹងថាគ្រប់មូលដ្ឋានទាំងអស់ត្រូវបង្កើនសមត្ថភាពតេស្តរបស់ខ្លួនរួមទាំងអ្នកឆ្លងព្រំដែន និងរាយការណ៍អំពីរោគរាតត្បាតនានាអោយបានទាន់ពេលវេលា។ ការអត្ថាធិប្បាយត្រូវចេញផ្សាយដោយក្រសួងកាលពីថ្ងៃច័ន្ទនេះ។ប្រទេសចិនដែលវីរុសថ្មីបានលេចចេញនៅចុងឆ្នាំមុននេះរាយការណ៍ថា វាមានករណីឆ្លងថ្មីចំនួន ១២ ករណីនៅថ្ងៃទី ១៩ ខែមេសាដែលជាអត្រាទាបបំផុតចាប់តាំងពីថ្ងៃទី ១៣ ខែមីនា ទោះបីជាមានការធ្លាក់ចុះក៏ដោយ ក៏ក្រុមមន្រ្តីនៅតែមានការព្រួយបារម្ភអំពីការកើតឡើងជាថ្មីនៃការបញ្ជូនតាមមូលដ្ឋាននៅក្នុងផ្នែកខ្លះនៃប្រទេសនេះផងដែរ។ ពួកគេរាប់បញ្ចូលទីក្រុងប៉េកាំងដែលជាទីតាំងនៅកណ្តាលដែលត្រូវគេចាត់ថ្នាក់ថាជាកន្លែងមានហានិភ័យខ្ពស់បន្ទាប់ពីការឆ្លងជំងឺក្នុងស្រុកចំនួន ៣ រួចមកហើយនោះ។
លោកម៉ា (Ma) ជ្រើសរើសយកខេត្តហៃឡុងជាំង និងក្វាងទុងដោយនិយាយថាពួកគេគួរតែកំណត់“ តំណខ្សោយ” នៅក្នុងសមត្ថភាពរបស់ពួកគេក្នុងការការពារ និងគ្រប់គ្រងការរីករាលដាលនៃជំងឺរាតត្បាតនេះ។ ទីភ្នាក់ងាររ៉យទ័រនិយាយថា ករណីឆ្លងក្នុងស្រុកថ្មីត្រូវជំរុញដោយការហូរចូលនៃជនជាតិចិនដែលត្រឡប់មកពីបរទេស ជាពិសេសនៅហីឡុងជាំងដែលមានការកើនឡើងនូវចំនួនប្រជាជនដែលវិលត្រឡប់មកពីប្រទេសរុស្ស៊ីវិញ។ ករណីក្នុងស្រុកថ្មីក៏បណ្តាលមកពីប្រជាជនដែលមកពីខេត្ដហ៊ូប៉ីដែលជាតំបន់មានការផ្ទុះឡើងនៃវីរុសនេះនៅក្នុងប្រទេសចិនផងដែរ៕
ប្រភព RT ចុះផ្សាយថ្ងៃទី ២០ ខែមេសា ឆ្នាំ ២០២០
