បាតុកររាប់រយនាក់ដែលភាគច្រើនមិនពាក់ម៉ាសប្រមូលផ្តុំគ្នានៅថ្ងៃច័ន្ទនេះនៅទីក្រុង Vladikavkaz រដ្ឋធានីនៃសាធារណរដ្ឋ Ossetia-Alania ខាងជើងនៃប្រទេសរុស្ស៊ីដើម្បីទាមទារអោយលុបចោលរបបខ្លួនឯងអោយនៅដាច់ដោយឡែក។ ការជួបជុំដោយគ្មានការអនុញ្ញាតនេះធ្វើឡើងនៅក្បែរអាគាររដ្ឋាភិបាលក្នុងតំបន់ ទោះបីជាមានការរឹតត្បិតរហូតដល់ថ្ងៃទី ៣០ ខែមេសាខាងមុខនេះ។TASS រាយការណ៍ថា ក្រុមអ្នកតំណាងមួយក្រុមបង្កើតឡើងក្នុងចំណោមអ្នកតវ៉ាទាំងនេះ ហើយចាប់ផ្តើមចរចាជាមួយមន្រ្តី។ ប្រមុខនៃសាធារណរដ្ឋគឺលោក Vyacheslav Bitarov និយាយជាមួយក្រុមបាតុករមួយចំនួនមុននេះថា អាជ្ញាធរនឹងជួយមនុស្សគ្រប់គ្នាដែលត្រូវការជំនួយ។ យោងតាមរបាយការណ៍នេះឱ្យដឹងថាលោក Bitarov ក៏ ស្នើសុំឱ្យអ្នករស់នៅក្នុងសាធារណរដ្ឋនេះស្នាក់នៅផ្ទះរបស់ពួកគេដោយសារតែជំងឺរាតត្បាតរាលដាលនេះ ប៉ុន្តែអ្នកដែលប្រមូលផ្តុំមិនស្តាប់គាត់នោះទេ។ កាសែត Kommersant Daily និយាយថាមនុស្សប្រហែល ១,៥០០ នាក់ចូលរួមនៅក្នុងសកម្មភាពនេះ។ ចំនួនអ្នកឆ្លងកូវីដ ១៩ នៅក្នុងសាធារណរដ្ឋគឺមានចំនួន ១៧៧ នាក់ហើយមនុស្សពីរនាក់ស្លាប់៕
ប្រភព RT ចុះផ្សាយថ្ងៃទី ២០ ខែមេសា ឆ្នាំ ២០២០
