អ្នកនាំពាក្យក្រសួងការបរទេសចិននិយាយកាលពីថ្ងៃព្រហស្បតិ៍ថាទីក្រុងប៉េកាំងនឹងបរិច្ចាគថវិកាចំនួន ៣០ លានដុល្លារបន្ថែមទៀតដល់អង្គការសុខភាពពិភពលោក (WHO) ដើម្បីគាំទ្រដល់ការប្រយុទ្ធជាសកលប្រឆាំងនឹងមេរោគកូវីដ ១៩ ។ លោក Hua សរសេរថាការបរិច្ចាគនេះមានគោលបំណងជាពិសេសក្នុងការពង្រឹងប្រព័ន្ធសុខាភិបាលរបស់ប្រទេសកំពុងអភិវឌ្ឍន៍ និងបន្ថែមថាប្រទេសចិនបានបរិច្ចាគ ២០ លានដុល្លារដល់អង្គការសុខភាពពិភពលោកកាលពីខែមីនាផងដែរ។
ការសន្យានេះកើតឡើងប្រហែលមួយសប្តាហ៍បន្ទាប់ពីប្រធានាធិបតីអាមេរិកលោកដូណាល់ត្រាំផ្អាកការផ្តល់មូលនិធិដល់អង្គការសុខភាពពិភពលោក និងចោទប្រកាន់អង្គការដែលមានមូលដ្ឋាននៅទីក្រុងហ្សឺណែវថាបានផ្សព្វផ្សាយព័ត៌មានមិនពិតរបស់ចិនអំពីវីរុសដែលបានកើតឡើងនៅកណ្តាលទីក្រុងវូហានកាលពីឆ្នាំមុននេះ។
លោក Scott Morrison នាយករដ្ឋមន្រ្តីអូស្រ្តាលីនិយាយកាលពីថ្ងៃព្រហស្បតិ៍ថាប្រទេសជាសមាជិកទាំងអស់របស់អង្គការសុខភាពពិភពលោកគួរតែគាំទ្រដល់ការពិនិត្យឡើងវិញឯករាជ្យមួយដែលស្នើឡើងដើម្បីដើមកំណើតនៃរោគរាតត្បាតនៃមេរោគកូវីដ ១៩ នេះ។
ក្រសួងការបរទេសនៅទីក្រុងប៉េកាំងក៏និយាយនៅថ្ងៃព្រហស្បតិ៍នេះដែរថា ការអំពាវនាវរបស់អូស្រ្តាលីឲ្យមានការស៊ើបអង្កេតឯករាជ្យមួយចំពោះវីរុសកូរ៉ូណានេះគឺជាការធ្វើនយោបាយ។ អ្នកនាំពាក្យក្រសួងលោក Geng Shuang មានប្រសាសន៍ថាប្រទេសចិនគ្មានទីផ្សារលក់សត្វព្រៃទេ។ ទីភ្នាក់ងារសារព័ត៌មានរ៉យទ័រនិយាយថាលោកកំពុងឆ្លើយតបនឹងសំណួរអំពីការអត្ថាធិប្បាយរបស់រដ្ឋមន្រ្តីការបរទេសអាមេរិក Pompeo ដែលអំពាវនាវឱ្យប្រទេសចិនបិទទីផ្សារបែបនេះនៅក្នុងប្រទេសចិន៕
ប្រភព RT ចុះផ្សាយថ្ងៃទី ២៣ ខែមេសា ឆ្នាំ ២០២០
