ក្រុម ISIS ជាថ្មីម្តងទៀតនៅយប់ថ្ងៃច័ន្ទនេះ បានធ្វើការវាយប្រហារទៅលើអង្គភាពកងទ័ពអ៊ីរ៉ាក់មួយកន្លែងស្ថិតនៅក្នុងខេត្ត Diyala បណ្តាលឱ្យមានមនុស្សស្លាប់ និងរបួសមួយចំនួន។
ប្រភពពីសន្តិសុខបានប្រាប់អ្នកយកព័ត៌មានថា ក្រុមបះបោរបានតម្រង់គោលដៅទៅលើអង្គភាពកងទ័ពមួយដែលស្ថិតនៅក្នុងទីក្រុង Bahriz ខេត្ត Diyala ដោយបណ្តាលឱ្យទាហានម្នាក់ស្លាប់ និង៤នាក់ផ្សេងទៀតរងរបួស។
គួររំលឹកថាក្រុមជីហាដបានធ្វើការវាយប្រហារស្រដៀងនឹងក្រុមជីវពល Hashd al-Shaabi ដែលគាំទ្រអ៊ីរ៉ង់ក្នុងខេត្ត Diyala កាលពីយប់ថ្ងៃអាទិត្យកន្លងទៅនេះ ដោយបានសម្លាប់កងជីវពល៧នាក់ និង៥នាក់ផ្សេងទៀតរងរបួស ក្នុងនោះមានប្រធានក្រុមប្រឹក្សាអភិបាល Uzem និងមេដឹកនាំកុលសម្ព័ន្ធម្នាក់ផងដែរ៕
ប្រភពព័ត៌មានពី baghdadpost ចេញផ្សាយថ្ងៃទី៥ ខែឧសភា ឆ្នាំ២០២០
