ប្រព័ន្ធការពារអាកាសស៊ីរីធ្វើស្ទាក់ចាប់មីស៊ីលដែលវាយប្រហារនៅតំបន់ភាគអាគ្នេយ៍នៃក្រុងAleppo។ គេរាយការណ៍ថា មីស៊ីលនោះបាញ់ចេញដោយយន្តហោះដែលបង្កអរិភាព។ ការវាយប្រហារកើតឡើងនៅម៉ោងប្រហែល២២ និង៣២ នាទីរសៀលម៉ោងក្នុងស្រុកនៅថ្ងៃចន្ទ។
ប្រភពយោធារាយការណ៍ថា កងកម្លាំងការពារដែនអាកាសរបស់ប្រទេសស៊ីរ៉ីប្រទះឃើញយន្តហោះសត្រូវមួយគ្រឿងបានហោះចូលទៅជិតទីក្រុងធំបំផុតទី២របស់ប្រទេសពីភាគខាងជើងឈៀងខាងកើតនៃទីក្រុងAthriaដែលស្ថិតនៅក្បែរទីក្រុងHama នៅភាគខាងលិចនៃតំបន់ Saf Saf ក្នុងខេត្ត Aleppo ។
ឃ្លាំងយោធាជាច្រើននៅក្នុងតំបន់ Safira រងការឆាបឆេះពីការវាយប្រហារ ហើយប្រព័ន្ធការការពារអាកាសបានបាញ់ទម្លាក់កាំជ្រួចដែលហោះចូលមកក្នុងទឹកដី។ គេមិនទាន់ច្បាស់ទេថាតើអាគារទាំងនោះរងការខូចខាតអ្វីខ្លះពីការវាយប្រហារនេះ ហើយការវាយតម្លៃពីផលប៉ះពាល់ស្ថិតក្នុងដំណើរការ។ មានសេចក្តីរាយការណ៍ផងដែរថា មជ្ឈមណ្ឌលស្រាវជ្រាវមួយកន្លែងដែលមានទីតាំងស្ថិតនៅក្នុងតំបន់តែមួយរងការកំណត់គោលដៅក្នុងការវាយប្រហារមីស៊ីលនោះ។
ទោះបីជា ពុំមានភាគីណាមួយអះអាងទទួលខុសត្រូវចំពោះការវាយប្រហារ តែយ៉ាងណាការវាយប្រហារនោះមានលក្ខណៈដូចនឹងលំនាំនៃការទម្លាក់គ្រាប់បែករបស់អ៊ីស្រាអែលដែលតែងតែអនុវត្តប្រឆាំងនឹងកម្លាំងអ៊ីរ៉ង់នៅក្នុងទឹកដីប្រទេសស៊ីរី។ តាមធម្មតាទីក្រុង TelAvivមិនបានធ្វើការអត្ថាធិប្បាយអំពីប្រតិបត្តិការរបស់បុគ្គលនោះទេប៉ុន្តែថ្មីៗនេះ
បាបង្ហាញសញ្ញាថាកម្លាំងរបស់ខ្លួននឹងបង្កើនការវាយឆ្មក់នៅក្នុងប្រទេសស៊ីរីដែលក្រុង Damascus ចាត់ទុកថា ជាការបំពានលើបូរណភាពទឹកដីរបស់ខ្លួន។ ការវាយប្រហារនៅថ្ងៃចន្ទក្លាយជាការវាយប្រហារលើកទី៦ហើយគេជឿថា ការវាយប្រហារនោះធ្វើឡើងដោយកម្លាំងក្រុង Tel Aviv ក្នុងរយៈពេលពីរសប្តាហ៍ចុងក្រោយនេះ។
សម្រាប់ការវាយឆ្មក់ពេលព្រឹកព្រលឹមនៅថ្ងៃសុក្រ ឧទ្ធម្ភាគចក្ររបស់អ៊ីស្រាអែលបានវាយប្រហារលើទីតាំងយោធាជាច្រើននៅខេត្ត Quneitra និងខេត្ត Daraa នៅភាគខាងត្បូងប្រទេសស៊ីរី។ ការវាយប្រហារនោះបង្កការខូចខាតដល់សម្ភារៈមួយចំនួន។
ហេតុការណ៍នោះកើតឡើងក្រោយពីជនស៊ីវិលចំនួន៣នាក់ស្លាប់ និងមានមនុស្សជាច្រើននាក់ទៀតរងរបួសនៅក្នុងការវាយប្រហាររបស់អ៊ីស្រាអែលមួយផ្សេងទៀតនៅថ្ងៃចន្ទសប្តាហ៍មុន ដែលគេរាយការណ៍ថាការវាយប្រហារផ្តើមចេញពីដែនអាកាសលីបង់៕
ប្រភពព័ត៌មានRT ផ្សាយថ្ងៃទី៤ ខែឧសភាឆ្នាំ២០២០
