ប្រធានក្រុមប្រឹក្សាសុវត្ថិភាពហូឡង់ មានប្រសាសន៍នៅថ្ងៃព្រហស្បតិ៍ថា លោកនឹងធ្វើការស៊ើបអង្កេតឯករាជ្យ និងពិនិត្យឡើងវិញនូវការត្រៀមលក្ខណៈរបស់ប្រទេស និងអនុវត្តនូវវិធានការរបស់រដ្ឋាភិបាលក្នុងកំឡុងពេលមានការផ្ទុះឡើងនៃជំងឺកូវីដ១៩ ។
នៅល្ងាចថ្ងៃពុធ លោកនាយករដ្ឋមន្ត្រី Mark Rutte ប្រកាសបង្ហាញពីគំរោងរយៈពេល៣ខែចំពោះវិធានបន្ធូរបន្ថយលើការបិទដំណើរនៅពាក់កណ្តាលខែមីនា រួមទាំងការបើកដំណើរការសាលារៀន និងអាជីវកម្មមួយចំនួនឡើងវិញ។ ការត្រួតពិនិត្យឡើងវិញនឹងពិនិត្យមើលលើកិច្ចការត្រៀមរៀបចំសម្រាប់ស្ថានការណ៍ឆ្លងរាតត្បាត ការគ្រប់គ្រងវិបត្តិ និងវិធានការណ៍ដែលបានអនុវត្ត និងការដកចេញនូវវិធានការណ៍បិទដំណើរទាំងនោះ” ។
ការដកចេញនូវវិធានការណ៍បិទដំណើរនៅក្នុងប្រទេសហូឡង់ នឹងអនុវត្តនៅរយៈពេល០៤ខែទៀត។ លោក Rutte ព្រមានថា ការឆ្លងនឹងអាចត្រូវបានទប់ស្កាត់ទាន់ពេល ប្រសិនបើមេរោគថ្មីនេះចាប់ផ្តើមរីករាលដាលកាន់តែខ្លាំង។
លោកនាយករដ្ឋមន្ត្រីមានប្រសាសន៍ថា “ជំហានដើម្បីបើកដំណើរការសេដ្ឋកិច្ច និងដំណើរការសាធារណៈយឺតៗនឹងផ្តល់ឱ្យប្រទេសរបស់របស់យើងនូវឱកាសដើម្បីមើលទៅស្ថានការណ៍ខាងមុខ និងរៀបចំផែនការសម្រាប់ពេលអនាគត” ។ ការប្រើប្រាស់របាំងមុខនឹងក្លាយជាកាតព្វកិច្ចចាំបាច់ក្នុងដំណើរដឹកជញ្ជូនសាធារណៈចាប់ពីថ្ងៃទី១ខែមិថុនា៕
ប្រភពព័ត៌មានRT ផ្សាយថ្ងៃទី០៧ ខែឧសភា ឆ្នាំ២០២០
