ក្រសួងការបរទេសអារ៉ាប៊ីសាអ៊ូឌីតបានស្វាគមន៍ការបង្កើតរដ្ឋាភិបាលថ្មីរបស់អ៊ីរ៉ាក់ ដែលដឹកនាំដោយលោក Mustafa Al-Kadhimi កាលពីថ្ងៃព្រហស្បតិ៍នេះ។
ក្រសួងបានបន្ថែមថាព្រះរាជាណាចក្រនេះគាំទ្រដល់ប្រទេសអ៊ីរ៉ាក់ ហើយប្រទេសរបស់ខ្លួនក៏បានត្រៀមខ្លួនធ្វើការជាមួយប្រទេសអ៊ីរ៉ាក់ ក៏ដូចជាការពង្រឹងទំនាក់ទំនងជាប្រវត្តិសាស្ត្ររវាងប្រទេសទាំងពីរដើម្បីទទួលបាននូវសុវត្ថិភាព និងសន្តិសុខក្នុងតំបន់ និងការពារការជ្រៀតជ្រែកពីខាងក្រៅ។
នៅមុននេះព្រះមហាក្សត្រ Salman របស់អារ៉ាប៊ីសាអូឌីត និងព្រះអង្គម្ចាស់ Mohammed bin Salman បានអបអរសាទរដល់លោក Al-Kadhimi ដែលបានបង្កើតរដ្ឋាភិបាល។
លោកAl-Kadhimi បានស្បថចូលកាន់តំណែងជានាយករដ្ឋមន្ត្រីដោយសមាជិកសភាកាលពីព្រឹកថ្ងៃព្រហស្បតិ៍នេះ បន្ទាប់ពីមានការចរចានយោបាយជាច្រើនសប្តាហ៍ ខណៈដែលប្រទេសនេះប្រឈមនឹងវិបត្តិសេដ្ឋកិច្ចធ្ងន់ធ្ងរដោយសារការធ្លាក់ចុះតម្លៃប្រេង និងការរីករាលដាលនៃជំងឺឆ្លងកូរ៉ូណា៕
ប្រភពព័ត៌មានពី baghdadpost ចេញផ្សាយថ្ងៃទី៧ ខែឧសភា ឆ្នាំ២០២០
