រាជធានី Hasaka៖ ភេរវករមួយចំនួនបានស្លាប់ និងមួយចំនួនទៀតបានរងរបួស បន្ទាប់ពីមានការប្រយុទ្ធគ្នារវាងក្រុមភេរវករដែលមានជាប់ពាក់ព័ន្ធនឹងលោក Erdogan ដោយពួកគេប្រើប្រាស់អាវុធជាច្រើនប្រភេទ។ ហេតុការណ៍នេះកើតឡើងនៅភាគខាងលិចនៃទីក្រុង Tal Tamer ក្នុងរាជធានី Hasaka ភាគខាងជើងនៃប្រទេសស៊ីរី។
ប្រភពព័ត៌មានក្នុងតំបន់ប្រាប់ភ្នាក់ងារសារព័ត៌មានថា ការប៉ះទង្គិចគ្នាផ្ទុះឡើងរវាងក្រុម Sultan Murad គាំទ្រដោយទួរគី ជាមួយនឹងក្រុមភេរវករ al-Hamzat ដែលតាំងនៅក្នុងតំបន់ចន្លោះភូមិ al-Daoudia និងភូមិ al-Arisha ភាគខាងលិចនៃក្រុង Tal Tamer នៅភាគខាងជើងរាជធានី Hasaka ។
ប្រភពដដែលបន្ថែមថា ការប៉ះទង្គិចគ្នាបានបញ្ចប់ ហើយមានភេរវករមួយចំនួនស្លាប់ និងរងរបួស។ ហេតុការណ៍នេះបង្ហាញថា មានការកើនឡើងនៃការប៉ះទង្គិចគ្នារវាងក្រុមភេរវករ និងមានពេលខ្លះការប៉ះទង្គិចគ្នាប្រដាប់ដោយអាវុធបានបណ្តាលឱ្យអ្នកស្រុកជាច្រើនភៀសខ្លួនចេញពីផ្ទះរបស់ពួកគេ៕
ប្រភពព័ត៌មាន SANA ផ្សាយថ្ងៃទី១០ ខែឧសភា ឆ្នាំ២០២០
