អាជ្ញាធរក្នុងខេត្តភាគខាងត្បួងនៃប្រទេសអ៊ីរ៉ាក់កាលពីថ្ងៃចន្ទនេះ បានបញ្ជាឱ្យបិទទីស្នាក់ការកណ្តាលរបស់គណបក្សអ៊ីស្លាម Thaar al-Allah បន្ទាប់ពីឆ្មាំទីស្នាក់ការកណ្តាលរបស់គណបក្សនេះបានបើកការបាញ់ប្រហារទៅលើក្រុមអ្នកតវ៉ានៅខាងក្រៅកទីស្នាក់ការបក្ស។
អគ្គស្នងការប៉ូលិសក្រុង Basra បាននិយាយនៅក្នុងសេចក្តីថ្លែងការណ៍មួយថាក្រុមអ្នកតវ៉ាបានប្រមូលផ្តុំគ្នានៅខាងក្រៅទីស្នាក់ការកណ្តាលរបស់គណបក្ស Thaar al-Allah មួយយប់ថ្ងៃអាទិត្យហើយបានគប់គ្រាប់បែកសាំងទៅលើអគារស្នាក់ការបក្ស ក្រោយមកក៏មានការឆ្លើយតបដោយអាវុធពីសំណាក់ឆ្មាំយាម។
សេចក្តីថ្លែងការណ៍បានបន្ថែមថាយ៉ាងហោចណាស់អ្នកតវ៉ាពីរនាក់បានរងរបួសនៅក្នុងឧប្បត្តិហេតុនេះ។ កងកម្លាំងប៉ូលិសក៏បាននាំឆ្មាំយាម និងធ្វើការឃុំឃាំងមុនពេលបិទការិយាល័យស្នាកការបក្សនេះ៕
ប្រភពព័ត៌មានពី Baghdad Post ចេញផ្សាយថ្ងៃទី១១ ខែឧសភា ឆ្នាំ២០២០
