ប្រព័ន្ធផ្សព្វផ្សាយក្នុងស្រុកបានរាយការណ៍ថា គេលឺសំឡេងនៃការផ្ទុះគ្រាប់បែក និងការផ្ទុះអាវុធចេញពីខាងក្នុងមន្ទីរពេទ្យមួយនៅភាគខាងលិចទីក្រុង Kabul។ មន្ទីពេទ្យនោះដំណើរការដោយអង្គភាពក្រុមពេទ្យគ្មានព្រំដែន (MSF)។ ប្រភពបន្ថែមថាបុគ្គលិកពេទ្យបានជាប់នៅខាងក្នុងខណៈពេលដែលការវាយប្រហារបានផ្ទុះឡើង។
មន្ទីពេទ្យនោះមានទីតាំងនៅក្នុងតំបន់ Dasht-e-Barchi នៃរាជធានីអាហ្វហ្គានីស្ថាន។ ប្រភពព័ត៌មាន TOLO News បានរាយការណ៍ថា យ៉ាងហោចណាស់មានការផ្ទុះចំនួនពីរលើកត្រូវបានគេលឺចេញពីទីតាំងកើតហេតុ។
របាយការណ៍ខ្លះបានអះអាងថាយ៉ាងហោចណាស់មានករណីបំផ្ទុះគ្រាប់បែកមួយបានកើតឡើងនៅពេលដែលអ្នកបំផ្ទុះគ្រាប់បែកអត្តឃាតម្នាក់ចូលដល់ក្នុងបរិវេណមន្ទីរពេទ្យនិងបើកការវាយប្រហារ។ យោងតាមប្រភពអ្នកយកព័ត៌មាននៅក្នុងក្រសួងមហាផ្ទៃបង្ហាញថា ការវាយប្រហារនេះបានកើតឡើងនៅពេលដែលមន្ទីរពេទ្យមានផែនការថានឹងមានការ
អញ្ចើញទស្សនកិច្ចពីអនុរដ្ឋមន្ត្រីសុខាភិបាល។ ទាំងអត្តសញ្ញាណរបស់ខ្មាន់កាំភ្លើង និងរបាយការណ៍លំអីតអំពីគ្រោះថ្នាក់មិនទាន់ទទួលបានភ្លាមៗនោះទេ។ ប៉ុន្តែសាក្សីនិយាយថា យ៉ាងហោចណាស់មានជនស៊ីវិលរងរបួសចំនួន៣នាក់ ក្នុងនោះមានស្ត្រីម្នាក់ត្រូវបានគេជម្លៀសចេញពីកន្លែងកើតហេតុ។
អ្នកវាយប្រហារត្រូវបានគេរាយការណ៍ថា បានព្យាយាមចូលក្នុងផ្ទះសំណាក់មួយនៅក្បែរបរិវេណមន្ទីរពេទ្យដែលមានបុគ្គលិកបរទេសស្នាក់នៅ។ អង្គភាពពេទ្យ MSF បាន និងកំពុងតែគាំទ្រដល់មន្ទីរពេទ្យ Dasht-e-Barchi ដែលផ្តល់ការថែទាំសុខភាពមាតា។ អង្គភាពនេះនិយាយថា មន្ទីពេទ្យនេះជាកន្លែងតែមួយគត់នៅក្នុងសង្កាត់ដែលមានប្រជាជនចំនួនច្រើនជាងមួយលាននាក់ដែលវាជាមន្ទីពេទ្យមានសមត្ថភាពដោះស្រាយបញ្ហាដឹកជញ្ជូនអ្នកជំងឺបន្ទាន់ និងធ្វើការជញ្ចូនស្មុគស្មាញ៕
ប្រភពព័ត៌មានRT ផ្សាយថ្ងៃទី១២ ខែឧសភា ឆ្នាំ២០២០
