រដ្ឋាភិបាលនៅទីក្រុងម៉ាឌ្រីដបានបញ្ជាឲ្យមានការដាក់ឲ្យនៅដាច់រយៈពេល ២ សប្តាហ៍សម្រាប់អ្នកដំណើរទាំងអស់ដែលចូលមកប្រទេសអេស្ប៉ាញចាប់ពីថ្ងៃទី ១៥ ខែឧសភាក្នុងគោលបំណងដើម្បីទប់ស្កាត់ការរីករាលដាលនៃមេរោគឆ្លងកូរ៉ូណាវីរុសនេះ។
យោងតាមបទបញ្ជាជាផ្លូវការដែលបានចេញផ្សាយកាលពីថ្ងៃអង្គារថា អ្នកដំណើរដែលចូលមកនឹងត្រូវស្នាក់នៅក្នុងផ្ទះ ហើយត្រូវបានអនុញ្ញាតឱ្យទៅខាងក្រៅដើម្បីទិញឥវ៉ាន់ ការទស្សនាមណ្ឌលសុខភាព និងក្នុងស្ថានភាពដែលត្រូវការ។
ការដាក់ឱ្យនៅដាច់ឆ្ងាយត្រូវបានអនុវត្តសម្រាប់អ្នកដំណើរទាំងអស់ដែលចូលក្នុងប្រទេសនៅចន្លោះពីថ្ងៃទី ១៥ ដល់ថ្ងៃទី ២៤ ខែឧសភានៅពេលដែលស្ថានភាពអាសន្នដល់ទីបញ្ចប់។ ទីភ្នាក់ងារព័ត៌មានរ៉យទ័រនិយាយថាបទបញ្ជាការដាក់បង្ខាំងខ្លួននេះអាចត្រូវបានពង្រីករួមគ្នាជាមួយនឹងការដាក់ប្រទេសក្នុងភាពអាសន្នផងដែរ។ រហូតមកដល់ពេលនេះ ប្រទេសអេស្ប៉ាញបានពង្រីកការរឹតបន្តឹងរបស់ខ្លួនចំនួន ៤ ដងចាប់តាំងពីពាក់កណ្តាលខែមីនាមក៕
ប្រភព RT ចុះផ្សាយថ្ងៃទី ១២ ខែឧសភា ឆ្នាំ ២០២០
