ប្រតិបត្តិករទូរស័ព្ទ មិនអាចការពារអ្នកប្រើប្រាស់ពីគ្រោះថ្នាក់គ្រប់ពេលនោះទេ។ យោងតាម របាយការណ៍ នាពេលថ្មីៗនេះ បានឱ្យដឹងថា ក្រុមហ៊ុនទូរស័ព្ទដែលប្រើប្រាស់លេខទូរស័ព្ទចាស់ បានព្យាយាមមិនផ្សំលេខទូរស័ព្ទ តែប្រើលេខចាស់ឡើងវិញរហូតដល់ ៣៧លានលេខ ក្នុង រយៈពេល១ឆ្នាំ។
ការអនុវត្តបែបនេះ បានបង្ហាញថា ព័ត៌មានអ្នកប្រើប្រាស់ពីមុនរាប់រយពាន់ អាចត្រូវបានប្រើប្រាស់ ដោយហេគឃ័រ យោងតាមការស្រាវជ្រាវដោយសកលវិទ្យាល័យ Princeton University។
អ្នកប្រើប្រាស់ជាច្រើនទទួលរងហានិភ័យ និងរំខាន់ម្ចាស់ថ្មី ដែលប្រើលេខចាស់ ដោយទទួលបានសារ ឬទូរស័ព្ទរំខាន ម្យ៉ាងទៀត អាចប៉ះពាល់ទៅដល់ព័ត៌មានផ្ទាល់ខ្លួនក្នុងករណីធ្ងន់ធ្ងរ។
អ្នកស្រាវជ្រាវនៅសកលវិទ្យាល័យ Princeton University បានធ្វើតេស្តជាមួយនឹងលេខទូរស័ព្ទ ប្រើឡើងវិញ ហើយបានរកឃើញថា អ្នកប្រើទទួលបានសារជាច្រើនពីអ្នកប្រើផ្សេង រួមមាន៖ លទ្ធផល តេស្តឈាម និងការកក់សណ្ឋាគារ នៅក្នុងតំណភ្ជាប់រវាងលេខទូរស័ព្ទ និងការភ្ជាប់ជាមួយអ៊ីនធឺណិត របស់អ្នកប្រើ។
កាន់តែអាក្រក់ជាងនេះទៀត នៅក្នុងករណីខ្លះ ហេគឃ័រអាចស្វែងរកព័ត៌មានសំខាន់ៗ ឬឆ្លងកាត់ (bypass) ការផ្ទៀងផ្ទាត់ភាពត្រឹមត្រូវដែលបានភ្ជាប់ជាមួយលេខ។ ឬអាចនិយាយបានថា ម្ចាស់ថ្មី ដែលប្រើលេខទូរស័ព្ទចាស់ អាចប្រើគណនីបណ្តាញសង្គម និងអ៊ីម៉ែល របស់ម្ចាស់មុនបាន។
ហេគឃ័រ អាចទាញយកអត្ថប្រយោជន៍ពីរឿងនេះ ដោយគ្រាន់តែប្រើព័ត៌មានដែលមានផ្ញើទៅអ្នកប្រើ ថ្មី និងផ្ទៀងផ្ទាត់ជាមួយទិន្នន័យថ្មី ដែលបានហេគ ដើម្បីស្វែងព័ត៌មានសំខាន់ផ្សេងទៀត។ ព័ត៌មាន នេះ ប្រហែលជាមានដាក់លក់នៅលើទីផ្សារងងឹត ឬ download ដោយមិនគិតថ្លៃ។ ការវាយប្រហារ នេះគួរតែត្រូវបានគិតគូរឡើងវិញ អ្នកស្រាវជ្រាវបានសន្មតថា លេខទូរស័ព្ទ ប្រហែល ៦០ភាគរយ មាន តំណភ្ជាប់ទៅកាន់ online platform ដូច្នេះមានន័យថា ព័ត៌មានអ្នកប្រើអាចត្រូវបានបង្ហាញ។
អ្នកស្រាវជ្រាវបានថ្លែងថា វិធីសាស្ត្រល្អដើម្បីការពារការវាយប្រហារបែបនេះ អ្នកប្រើគួរតែរក្សាលេខ ទូរស័ព្ទរបស់ខ្លួន ទោះបី ប្តូរក្រុមហ៊ុនទូរស័ព្ទក៏ដោយ៕
