អាជ្ញាអេស្បាញបានរាយការណ៍ជាបន្ទាន់ទាក់ទងនឹង phishing (ឧក្រិដ្ឋកម្មតាមអ៊ីនធឺណិត ) ថ្មី ដែលមានគោលដៅផ្តោតលើវេទិកា បណ្តាញសង្គមដូចជា Instagram ។
ការវាយប្រហារចាប់ផ្តើមតាំងពីខែមេសា មានអ្នកប្រើបានរាយការណ៍ថាគណនីរបស់ពួកគេត្រូវបាន បន្លំ និងរងផលប៉ះពាល់។ ហេគឃ័របានបន្លំខ្លួនជាបុគ្គលិកហ្វេសប៊ុក ឬ Instagram ហើយបានផ្ញើសារ ទៅកាន់ម្ចាស់គណនីអ្នកប្រើប្រាស់ និងបានអូសទាញពួកគេឱ្យទៅកាន់គេហទំព័រមួយ ដែលគ្មានសុវត្ថិភាព ក្នុងបំណងលួចយកព័ត៌មានអ្នកប្រើប្រាស់។
ប្រសិនបើអ្នកប្រើបានធ្លាក់ចូលទៅក្នុងអន្ទាក់ នោះគណនីរបស់ពួកគេត្រូវបានគ្រប់គ្រងដោយ ហេគឃ័រ ហើយអាចត្រូវបានជម្រិតទារប្រាក់ ឬហេគឃ័រនឹងធ្វើការគ្រប់គ្រងគណនី ឬអាចផ្ទេរវាទៅកាន់ជនទី។ ចំណុចពិសេសនោះគឺបើសិនជាពួកគេបាត់បង់គណនីនោះ មានន័យថាពួកគេបានបង់អតិថិជន និងជំនួញរបស់គេ ព្រោះថា Influencers ម្នាក់ៗ មិនងាយក្នុងការស្វែងរក followers និងការធ្វើនោះទេ។
អាជ្ញាធរអេស្បាញក៏បានផ្តល់ព័ត៌មានទៅកាន់អ្នកប្រើប្រាស់អំពីបញ្ហានេះតាមរយៈ Twitter ឱ្យអ្នកប្រើ ប្រុងប្រយ័ត្នចំពោះអ៊ីម៉ែលទាំងនោះ។
អាជ្ញាធរក្នុងតំបន់បានរៀបរាប់ពីដំណើរការហេគក្នុងករណីដែលគណនីត្រូវបានគ្រប់គ្រងដោយហេគឃ័រ៖
- ហេគឃ័រផ្លាស់ប្តូរអាសយដ្ឋានអ៊ីម៉ែល
- បន្ទាប់មកបិទមុខងារ Multi-factor authentication
- ឈ្មោះអ្នកប្រើត្រូវបានប្តូរច្រើនដង ដូច្នេះអ្នកប្រើមិនអាចតាមដានគណនីខ្លួនបាន
- ករណីចង់សង្គ្រោះគណនី តែងមានការរំខានពីសំណាក់ហេគឃ័រ
យ៉ាងណាមិញ គណនីហ្វេសប៊ុក DJ Fatima Haiji ដែលមានអ្នកគាំទ្រជាង ៣៨០ពាន់នាក់ ត្រូវបានបាត់បង់ ហើយក៏លំបាកនឹងសង្គ្រោះគណនីនេះវិញដែរ៕
ប្រភពព័ត៌មាន៖ ថ្ងៃទី១១ ខែឧសភា ឆ្នាំ២០២១
ប្រែសម្រួលដោយ៖ កញ្ញា
